سیدنا انس بن مالک رضی اللہ عنہ سے روایت ہے کہ رسول اللہ صلی اللہ علیہ وسلم سے دریافت کیا گیا کہ آپ کے اہل بیت میں سے آپ کو سب سے زیادہ کون محبوب ہے؟ تو آپ صلی اللہ علیہ وسلم نے ارشاد فرمایا: ”حسن اور حسین (رضی اللہ عنہما)“، سیدنا انس رضی اللہ عنہ بیان کرتے ہیں کہ آپ صلی اللہ علیہ وسلم سیدہ فاطمہ رضی اللہ عنہا سے فرمایا کرتے تھے: ”میرے دونوں بیٹوں کو میرے پاس بلاؤ“، پھر آپ صلی اللہ علیہ وسلم انہیں سونگھتے اور انہیں اپنے سینہ مبارک سے لگا لیتے۔ [مسند أبي يعلى الموصلي/مسند أنس بن مالك/حدیث: 4294]