”جس نے بروز جمعہ وہ سورت تلاوت کی جس میں آل عمران کا ذکر ہے توہ غروب آفتاب تک اللہ تعالیٰ اس پر رحمت نازل فرمائیں گے اور فرشتے اس کے لیے رحمت کی دعائیں کریں گے۔“ [مجموعه ضعيف احاديث/حدیث: 1187]

”اللہ تعالیٰ کا وہ اسم اعظم جس کے ساتھ اگر دعا کی جائے تو قبول ہوتی ہے، سورۃ آل عمران کی اس آیت میں ہے: «قل اللهم مالك الملك تؤتى الملك من تشاء . . . الخ» ۔“ [مجموعه ضعيف احاديث/حدیث: 1188]

”جو آدمی بھی کسی دشوار جانور پر سوار ہو تو وہ اس کے کان میں (سورۃ آل عمران کی) یہ آیت تلاوت کر دے تو وہ اللہ کے حکم سے ٹھہر جائے گا۔ «افغير دين الله يبغون وله اسلم من فى السموات والأرض طوعا وكرها واليه يرجعون» ۔“ [مجموعه ضعيف احاديث/حدیث: 1189]

”اللہ تعالیٰ ایسے بندے کو محروم نہیں کریں گے جو رات کے دوران قیام کے لیے کھڑا ہو اور سورۃ بقرہ اور سورۃ آل عمران سے ابتدا کرے۔ سورۃ بقرہ اور سورۃ آل عمران آدمی کا بہترین خزانہ ہیں۔“ [مجموعه ضعيف احاديث/حدیث: 1190]