حضرت ابوبکرہ رضی اللہ عنہ سے روایت ہے، انہوں نے کہا: اللہ تعالیٰ نے مجھے ایامِ جمل کے دوران میں ایک ہی بات کے ذریعے سے فائدہ پہنچایا۔ جب نبی صلی اللہ علیہ وسلم کو معلوم ہوا کہ اہل فارس نے کسریٰ کی بیٹی کو اپنا سربراہ بنا لیا ہے تو آپ صلی اللہ علیہ وسلم نے فرمایا: ”وہ قوم کبھی کامیاب نہیں ہو سکتی جنہوں نے اپنے (حکومتی) معاملات ایک عورت کے حوالے کر دیے ہیں۔“ [صحيح البخاري/كِتَاب الْفِتَنِ/حدیث: 7099]

حضرت ابو مریم عبداللہ بن زیاد اسدی رضی اللہ عنہ سے روایت ہے، انہوں نے کہا: جب حضرت طلحہ رضی اللہ عنہ، حضرت زبیر رضی اللہ عنہ اور ام المؤمنین حضرت عائشہ رضی اللہ عنہا بصرہ کی طرف روانہ ہوئے تو حضرت علی رضی اللہ عنہ نے حضرت عمار بن یاسر رضی اللہ عنہ اور حضرت حسن بن علی رضی اللہ عنہما کو بھیجا۔ یہ دونوں بزرگ ہمارے پاس کوفہ آئے اور منبر پر تشریف فرما ہوئے۔ حضرت حسن رضی اللہ عنہ منبر کے اوپر سب سے اونچی جگہ پر تھے اور حضرت عمار بن یاسر رضی اللہ عنہ ان سے نیچے کی سیڑھی پر تھے۔ ہم ان کے پاس جمع ہو گئے۔ پھر میں نے حضرت عمار بن یاسر رضی اللہ عنہ کو یہ کہتے ہوئے سنا: ”ام المؤمنین حضرت عائشہ رضی اللہ عنہا بصرہ کی طرف روانہ ہو چکی ہیں۔ اللہ کی قسم! وہ دنیا اور آخرت میں تمہارے نبی صلی اللہ علیہ وسلم کی زوجہ محترمہ ہیں لیکن اللہ تعالیٰ ان کے ذریعے سے تمہارا امتحان لینا چاہتا ہے کہ تم صرف اس کی اطاعت کرتے ہو یا حضرت عائشہ رضی اللہ عنہا کا کہا مانتے ہو۔“ [صحيح البخاري/كِتَاب الْفِتَنِ/حدیث: 7100]

حضرت ابو وائل سے روایت ہے کہ کوفہ میں حضرت عمار رضی اللہ عنہ منبر پر کھڑے ہوئے اور انہوں نے حضرت عائشہ رضی اللہ عنہا اور ان کی روانگی کا ذکر کیا اور فرمایا: ”بے شک وہ دنیا و آخرت میں تمہارے نبی صلی اللہ علیہ وسلم کی زوجہ محترمہ ہیں، لیکن تمہیں ان کے متعلق آزمائش میں ڈالا گیا ہے۔“ [صحيح البخاري/كِتَاب الْفِتَنِ/حدیث: 7101]

حضرت ابو وائل سے روایت ہے، انہوں نے کہا: حضرت ابو موسیٰ اشعری رضی اللہ عنہ اور حضرت ابو مسعود انصاری رضی اللہ عنہ دونوں حضرت عمار بن یاسر رضی اللہ عنہ کے پاس گئے جبکہ انہیں حضرت علی رضی اللہ عنہ نے اہل کوفہ کی طرف بھیجا تھا کہ وہ انہیں مدد کے لیے نکلنے پر آمادہ کریں۔ ان دونوں نے (حضرت عمار رضی اللہ عنہ سے) کہا: ”جب سے تم مسلمان ہوئے ہو ہم نے کوئی بات اس سے زیادہ بری نہیں دیکھی جو تم اس کام میں جلد بازی دکھا رہے ہو۔“ حضرت عمار رضی اللہ عنہ نے انہیں جواب دیا: ”میں نے بھی جب سے تم مسلمان ہوئے ہو تمہاری کوئی بات اس سے بری نہیں دیکھی جو تم اس کام میں دیر کر رہے ہو۔“ حضرت ابو مسعود رضی اللہ عنہ نے حضرت عمار رضی اللہ عنہ اور حضرت ابو موسیٰ اشعری رضی اللہ عنہ کو ایک ایک نیا جوڑا پہنایا، پھر وہ (تینوں مل کر) مسجد میں تشریف لے گئے۔ [صحيح البخاري/كِتَاب الْفِتَنِ/حدیث: 7102]

حضرت ابو وائل رضی اللہ عنہ سے روایت ہے، انہوں نے کہا: حضرت ابو موسیٰ اشعری اور حضرت ابو مسعود انصاری رضی اللہ عنہما دونوں حضرت عمار بن یاسر رضی اللہ عنہ کے پاس گئے جبکہ انہیں حضرت علی رضی اللہ عنہ نے اہل کوفہ کی طرف بھیجا تھا کہ وہ انہیں مدد کے لیے نکلنے پر آمادہ کریں۔ ان دونوں نے (حضرت عمار رضی اللہ عنہ) سے کہا: ”جب سے تم مسلمان ہوئے ہو ہم نے کوئی بات اس سے زیادہ بری نہیں دیکھی جو تم اس کام میں جلد بازی دکھا رہے ہو۔“ حضرت عمار رضی اللہ عنہ نے انہیں جواب دیا: ”میں نے بھی جب سے تم مسلمان ہوئے ہو تمہاری کوئی بات اس سے بری نہیں دیکھی جو تم اس کام میں دیر کر رہے ہو۔“ حضرت ابو مسعود رضی اللہ عنہ نے حضرت عمار اور حضرت ابو موسیٰ اشعری رضی اللہ عنہما کو ایک ایک نیا جوڑا پہنایا، پھر وہ (تینوں مل کر) مسجد میں تشریف لے گئے۔ [صحيح البخاري/كِتَاب الْفِتَنِ/حدیث: 7103]

حضرت ابو وائل سے روایت ہے، انہوں نے کہا: حضرت ابو موسیٰ اشعری اور حضرت ابو مسعود انصاری رضی اللہ عنہما دونوں حضرت عمار بن یاسر رضی اللہ عنہ کے پاس گئے، جبکہ انہیں حضرت علی رضی اللہ عنہ نے اہل کوفہ کی طرف بھیجا تھا کہ وہ انہیں مدد کے لیے نکلنے پر آمادہ کریں۔ ان دونوں نے (حضرت عمار رضی اللہ عنہ سے) کہا: ”جب سے تم مسلمان ہوئے ہو، ہم نے کوئی بات اس سے زیادہ بری نہیں دیکھی جو تم اس کام میں جلد بازی دکھا رہے ہو۔“ حضرت عمار رضی اللہ عنہ نے انہیں جواب دیا: ”میں نے بھی جب سے تم مسلمان ہوئے ہو، تمہاری کوئی بات اس سے بری نہیں دیکھی جو تم اس کام میں دیر کر رہے ہو۔“ حضرت ابو مسعود رضی اللہ عنہ نے حضرت عمار رضی اللہ عنہ اور حضرت ابو موسیٰ اشعری رضی اللہ عنہ کو ایک ایک نیا جوڑا پہنایا، پھر وہ (تینوں مل کر) مسجد میں تشریف لے گئے۔ [صحيح البخاري/كِتَاب الْفِتَنِ/حدیث: 7104]

حضرت شقیق بن سلمہ رحمہ اللہ سے روایت ہے، انہوں نے کہا: ”میں حضرت ابو مسعود انصاری، حضرت ابو موسیٰ اشعری اور حضرت عمار بن یاسر رضی اللہ عنہم کے ساتھ بیٹھا ہوا تھا کہ حضرت ابو مسعود رضی اللہ عنہ نے (حضرت عمار رضی اللہ عنہ سے) کہا: ”تمہارے ساتھ جتنے لوگ ہیں، اگر میں چاہوں تو تمہارے علاوہ ہر ایک کے متعلق کچھ نہ کچھ کہہ سکتا ہوں، لیکن جب سے تم نے نبی صلی اللہ علیہ وسلم کی صحبت اختیار کی ہے، میں نے تمہارا کوئی عیب نہیں دیکھا، بس یہی ایک بات ہے کہ تم اس معاملے میں جلد بازی سے کام لے رہے ہو۔“ حضرت عمار رضی اللہ عنہ نے کہا: ”اے ابو مسعود! جب سے تم دونوں نے نبی صلی اللہ علیہ وسلم کی صحبت اختیار کی ہے، میں نے تمہارے اس ساتھی کے متعلق کوئی عیب نہیں دیکھا سوائے اس بات کے کہ تم اس معاملے میں دیر کر رہے ہو۔“ حضرت ابو مسعود رضی اللہ عنہ چونکہ صاحبِ ثروت تھے، انہوں نے اپنے غلام سے کہا: ”دو جوڑے لاؤ“، چنانچہ انہوں نے ایک جوڑا حضرت ابو موسیٰ اشعری رضی اللہ عنہ کو دیا اور دوسرا حضرت عمار رضی اللہ عنہ کو دیا، پھر ان دونوں سے فرمایا: ”انہیں زیب تن کر کے جمعہ ادا کرنے کے لیے جاؤ۔““ [صحيح البخاري/كِتَاب الْفِتَنِ/حدیث: 7105]

حضرت شقیق بن سلمہ رحمہ اللہ سے روایت ہے، انہوں نے کہا: میں حضرت ابو مسعود انصاری، حضرت ابو موسیٰ اشعری اور حضرت عمار بن یاسر رضی اللہ عنہم کے ساتھ بیٹھا ہوا تھا کہ حضرت ابو مسعود رضی اللہ عنہ نے (حضرت عمار رضی اللہ عنہ سے) کہا: ”تمہارے ساتھ جتنے لوگ ہیں اگر میں چاہوں تو تمہارے علاوہ ہر ایک کے متعلق کچھ نہ کچھ کہہ سکتا ہوں لیکن جب سے تم نے نبی صلی اللہ علیہ وسلم کی صحبت اختیار کی ہے میں نے تمہارا کوئی عیب نہیں دیکھا، بس یہی ایک بات ہے کہ تم اس معاملے میں جلد بازی سے کام لے رہے ہو۔“ حضرت عمار رضی اللہ عنہ نے کہا: ”اے ابو مسعود! جب سے تم دونوں نے نبی صلی اللہ علیہ وسلم کی صحبت اختیار کی ہے میں نے تمہارے اس ساتھی کے متعلق کوئی عیب نہیں دیکھا سوائے اس بات کے کہ تم اس معاملے میں دیر کر رہے ہو۔“ حضرت ابو مسعود رضی اللہ عنہ چونکہ صاحب ثروت تھے، انہوں نے اپنے غلام سے کہا: ”دو جوڑے لاؤ۔“ چنانچہ انہوں نے ایک جوڑا حضرت ابو موسیٰ اشعری رضی اللہ عنہ کو دیا اور دوسرا حضرت عمار رضی اللہ عنہ کو دیا، پھر ان دونوں سے فرمایا: ”انہیں زیبِ تن کر کے جمعہ ادا کرنے کے لیے جاؤ۔“ [صحيح البخاري/كِتَاب الْفِتَنِ/حدیث: 7106]

حضرت شقیق بن سلمہ رحمہ اللہ سے روایت ہے انہوں نے کہا: میں حضرت ابومسعود انصاری رضی اللہ عنہ، حضرت ابوموسیٰ اشعری رضی اللہ عنہ اور حضرت عمار بن یاسر رضی اللہ عنہ کے ساتھ بیٹھا ہوا تھا کہ حضرت ابومسعود رضی اللہ عنہ نے (حضرت عمار رضی اللہ عنہ سے) کہا: ”تمہارے ساتھ جتنے لوگ ہیں اگر میں چاہوں تو تمہارے علاوہ ہر ایک کے متعلق کچھ نہ کچھ کہہ سکتا ہوں، لیکن جب سے تم نے نبی صلی اللہ علیہ وسلم کی صحبت اختیار کی ہے میں نے تمہارا کوئی عیب نہیں دیکھا، بس یہی ایک بات ہے کہ تم اس معاملے میں جلد بازی سے کام لے رہے ہو۔“ حضرت عمار رضی اللہ عنہ نے کہا: ”اے ابومسعود! جب سے تم دونوں نے نبی صلی اللہ علیہ وسلم کی صحبت اختیار کی ہے میں نے تمہارے اس ساتھی کے متعلق کوئی عیب نہیں دیکھا سوائے اس بات کے کہ تم اس معاملے میں دیر کر رہے ہو۔“ حضرت ابومسعود رضی اللہ عنہ چونکہ صاحبِ ثروت تھے، انہوں نے اپنے غلام سے کہا: ”دو جوڑے لاؤ۔“ چنانچہ انہوں نے ایک جوڑا حضرت ابوموسیٰ اشعری رضی اللہ عنہ کو دیا اور دوسرا حضرت عمار رضی اللہ عنہ کو دیا، پھر ان دونوں سے فرمایا: ”انہیں زیب تن کر کے جمعہ ادا کرنے کے لیے جاؤ۔“ [صحيح البخاري/كِتَاب الْفِتَنِ/حدیث: 7107]