حضرت شریح اس بات میں کوئی حرج نہ سمجھتے تھے کہ عطاء کو سامان کے بدلے فروخت کیا جائے۔ [مصنف ابن ابي شيبه/كتاب البيوع والأقضية/حدیث: 22241]

راوی فرماتے ہیں کہ حضرت شعبی رحمہ اللہ نے فرمایا کہ اسے نہ سامان کے بدلے خریدا جائے اور نہ کسی اور چیز کے بدلے۔ [مصنف ابن ابي شيبه/كتاب البيوع والأقضية/حدیث: 22242]

حضرت ابن عباس رضی اللہ عنہما کے نزدیک سامان کے علاوہ عطاء کی بیع مکروہ ہے۔ [مصنف ابن ابي شيبه/كتاب البيوع والأقضية/حدیث: 22243]

شعبی سے عطا میں زیادتی کی خریداری کے بارے میں سوال کیا گیا تو انہوں نے فرمایا کہ میں نہ اس کا حکم دیتا ہوں نہ اس سے منع کرتا ہوں میں خود کو اور اپنی اولاد کو اس سے روکتا ہوں۔ اسے مسلمانوں کے امراء نے کیا ہے اور مجھ سے بہتر تھے۔ [مصنف ابن ابي شيبه/كتاب البيوع والأقضية/حدیث: 22244]

بکر بن عثمان فرماتے ہیں کہ میں خراسان میں ریشم اور دراہم کے بدلے عطاء کی زیادتی کو خریدا کرتا تھا۔ ایک سال میں نے حج کیا اور اس بارے میں حضرت سالم سے سوال کیا تو انہوں نے فرمایا کہ اس میں کچھ حرج نہیں اگر سامان کے ساتھ ہوں۔ البتہ دراہم کے ساتھ میں مکروہ سمجھتا ہوں۔ [مصنف ابن ابي شيبه/كتاب البيوع والأقضية/حدیث: 22245]

(بکر بن عثمان فرماتے ہیں:) میں نے حضرت محمد بن کعب قرظی رحمہ اللہ سے سوال کیا تو انہوں نے بھی یہی جواب دیا۔ [مصنف ابن ابي شيبه/كتاب البيوع والأقضية/حدیث: 22246]

(بکر بن عثمان فرماتے ہیں:) میں نے حضرت عطاء رحمہ اللہ سے سوال کیا تو انہوں نے بھی یہی جواب دیا۔ [مصنف ابن ابي شيبه/كتاب البيوع والأقضية/حدیث: 22247]

(بکر بن عثمان فرماتے ہیں:) میں نے حسن اور حضرت ابن سیرین سے بھی سوال کیا تو انہوں نے فرمایا کہ ہم اسے درہم کے ساتھ مکروہ سمجھتے ہیں البتہ سامان کے ساتھ کچھ حرج نہیں۔ [مصنف ابن ابي شيبه/كتاب البيوع والأقضية/حدیث: 22248]

حضرت ابراہیم بن داود فرماتے ہیں کہ میں نے حسن اور محمد سے عطاء کی بیع کے بارے میں سوال کیا تو انہوں نے فرمایا کہ سامان کے ساتھ بیچ سکتے ہو۔ [مصنف ابن ابي شيبه/كتاب البيوع والأقضية/حدیث: 22249]