حضرت مغیرہ کہتے ہیں کہ میں نے ابراہیم سے سوال کیا کہ ایک بچہ چھت پر کبوتر اڑا رہا تھا اور ایک آدمی بھی چھت پر تھا۔ پھر وہ بچہ گرگیا تو ابراہیم نے فرمایا کہ شاید لوگ یہ کہیں کہ شاید اس آدمی نے اسے کسی کام کا کہا ہوگا۔ [مصنف ابن ابي شيبه/كتاب الديات/حدیث: 29808]

حضرت ابو مجلز فرماتے ہیں کہ اگر تم نے ہلاکت خیز مقام پر (پل یا دیوار پر) کھڑے کسی آدمی سے کہا کہ دور ہٹو، اس سے بچو اور وہ گرگیا تو تم ضمان دو گے۔ [مصنف ابن ابي شيبه/كتاب الديات/حدیث: 29809]

حضرت ابن جریج فرماتے ہیں کہ میں نے حضرت عطاء سے پوچھا کہ اگر ایک آدمی کسی بچے سے کہے کہ پیچھے ہٹ اور بچہ گر کر مرجائے تو کیا حکم ہے؟ انہوں نے فرمایا کہ لوگ حضرت علی رضی اللہ عنہ سے روایت کرتے ہیں کہ وہ اسے ضامن بناتے تھے۔ لوگ کہتے ہیں کہ اس نے اسے ڈرایا تھا۔ میں نے ان سے پوچھا اگر کسی نے بڑے کو اس طرح کہا تو حضرت عطاء نے فرمایا کہ پھر بھی یہی حکم ہے۔ [مصنف ابن ابي شيبه/كتاب الديات/حدیث: 29810]

میں نے پوچھا: اگر اس نے کسی بڑے کو آواز دی ہو؟ انہوں نے فرمایا: میں اسے اسی کی طرح سمجھتا ہوں۔ میں نے ان سے بار بار یہ بات دہرائی تو ان کی رائے یہی تھی کہ وہ تاوان دے گا۔ [مصنف ابن ابي شيبه/كتاب الديات/حدیث: 29811]