حضرت منصور رحمہ اللہ فرماتے ہیں کہ میں نے حضرت ابراہیم رحمہ اللہ سے دیلم والوں کو دعوت دینے سے متعلق پوچھا:؟ تو آپ رحمہ اللہ نے ارشاد فرمایا: تحقیق وہ جان چکے ہیں جس بات کی ان کو دعوت دی گئی ہے۔ [مصنف ابن ابي شيبه/كتاب السير/حدیث: 35278]

حضرت قتادہ رحمہ اللہ فرماتے ہیں کہ حضرت حسن بصری رحمہ اللہ نے ارشاد فرمایا: اس میں کوئی حرج نہیں کہ جب مسلمان مشرکین سے ملیں اور ان کو اسلام قبول کرنے کی دعوت نہ دیں۔ اس لیے کہ وہ تمہارے دین کو اور جن باتوں کی طرف تم نے ان کو دعوت دینی ہے وہ اس کو جان چکے ہیں۔ [مصنف ابن ابي شيبه/كتاب السير/حدیث: 35279]

حضرت ابو ھلال رحمہ اللہ فرماتے ہیں کہ حضرت حسن بصری رحمہ اللہ سے دشمن کے متعلق پوچھا گیا: کہ کیا ان کو قتال سے قبل دعوت دی جائے گی؟ آپ رحمہ اللہ نے فرمایا: جب سے اللہ رب العزت نے محمد 5 کو مبعوث فرمایا ہے تحقیق ان تک اسلام کی دعوت پہنچ چکی ہے۔ [مصنف ابن ابي شيبه/كتاب السير/حدیث: 35280]