سیدہ عائشہ رضی اللہ عنہا بیان کرتی ہیں: نبی کریم صلی اللہ علیہ وسلم نے فرمایا: ”جس شخص کا وضو ٹوٹ جائے، اگر وہ نماز کی حالت میں ہو، تو ناک پر ہاتھ رکھ کر واپس جائے، تاکہ یہ ظاہر ہو کہ اس کی نکسیر پھوٹ گئی ہے۔“ [سنن الدارقطني/كِتَابُ الطَّهَارَةِ/حدیث: 585]

سیدہ عائشہ رضی اللہ عنہا بیان کرتی ہیں: نبی کریم صلی اللہ علیہ وسلم نے یہ بات ارشاد فرمائی: ”جب کسی شخص کا نماز کے دوران وضو ٹوٹ جائے، تو اسے اپنی ناک کو پکڑ لینا چاہیے، پھر واپس چلے جانا چاہیے۔“ [سنن الدارقطني/كِتَابُ الطَّهَارَةِ/حدیث: 586]

سیدہ عائشہ رضی اللہ عنہا بیان کرتی ہیں: ”جب کسی شخص کا نماز میں وضو ٹوٹ جائے، پھر اسے اپنی ناک پکڑ لینی چاہیے اور پھر واپس چلے جانا چاہیے۔“ [سنن الدارقطني/كِتَابُ الطَّهَارَةِ/حدیث: 587]

سیدنا عبداللہ بن عباس رضی اللہ عنہما بیان کرتے ہیں: نبی کریم صلی اللہ علیہ وسلم نے پھوڑے اور پھنسی کے خون کے بارے میں اجازت دی ہے (اس سے وضو نہیں کرنا پڑتا)۔ [سنن الدارقطني/كِتَابُ الطَّهَارَةِ/حدیث: 588]

سیدہ عائشہ رضی اللہ عنہا بیان کرتی ہیں: نبی کریم صلی اللہ علیہ وسلم نے ارشاد فرمایا: ”جس شخص کا نماز کے دوران وضو ٹوٹ جائے، تو اپنی ناک کو پکڑ لے اور پھر واپس جا کر وضو کر لے۔“ [سنن الدارقطني/كِتَابُ الطَّهَارَةِ/حدیث: 589]

سیدنا ابودرداء رضی اللہ عنہ بیان کرتے ہیں: ایک دفعہ نبی کریم صلی اللہ علیہ وسلم نے یہ کہہ کر روزہ ختم کر دیا۔ راوی بیان کرتے ہیں: بعد میں، میری ملاقات دمشق کی جامع مسجد میں سیدنا ثوبان رضی اللہ عنہ سے ہوئی، میں نے اس بات کا تذکرہ ان سے کیا، انہوں نے فرمایا: ”(ابودرداء نے سچ فرمایا) میں نے نبی کریم صلی اللہ علیہ وسلم کو وضو کروایا تھا۔“ [سنن الدارقطني/كِتَابُ الطَّهَارَةِ/حدیث: 590]

سعد ان نے بیان کیا: سیدنا ابودرداء رضی اللہ عنہ نے انہیں یہ حدیث سنائی تھی، پھر انہوں نے سیدنا ابودرداء رضی اللہ عنہ کے حوالے سے اور سیدنا ثوبان رضی اللہ عنہ کے حوالے سے، نبی کریم صلی اللہ علیہ وسلم سے اسی کی مانند روایت نقل کی تھی۔ [سنن الدارقطني/كِتَابُ الطَّهَارَةِ/حدیث: 591]

معدان بن ابوطلحہ یہ بات بیان کرتے ہیں: یہ بات انہیں سیدنا ابودرداء رضی اللہ عنہ نے بتائی ہے، اس کے بعد انہوں نے حسب سابق حدیث ذکر کی ہے، جس میں اس بات کا تذکرہ ہے: (سیدنا ثوبان رضی اللہ عنہ نے یہ بتایا ہے:) ”میں نے نبی کریم صلی اللہ علیہ وسلم کو وضو کروایا تھا۔“ [سنن الدارقطني/كِتَابُ الطَّهَارَةِ/حدیث: 592]

یہی روایت ایک اور سند کے ہمراہ منقول ہے، جس میں یہ الفاظ ہیں: سیدنا ثوبان رضی اللہ عنہ نے فرمایا: ”انہوں نے سچ فرمایا، میں نے نبی کریم صلی اللہ علیہ وسلم کو وضو کروایا تھا۔“ [سنن الدارقطني/كِتَابُ الطَّهَارَةِ/حدیث: 593]

سیدنا ابن عباس رضی اللہ عنہما بیان کرتے ہیں: ایک شخص نے عرض کی: ”یا رسول اللہ! میں جب کبھی وضو کرتا ہوں، (خون) بہنے لگتا ہے۔“ نبی کریم صلی اللہ علیہ وسلم نے ارشاد فرمایا: ”جب تم وضو کر لو، پھر وہ اگر تمہاری چوٹی سے لے کر پاؤں تک بہتا رہے، تو تم پر وضو کرنا لازم نہیں ہے۔“ عبداللہ بن ملک راموی ضعیف ہے، یہ روایت مستند نہیں ہے۔ [سنن الدارقطني/كِتَابُ الطَّهَارَةِ/حدیث: 594]