سیدنا مغیرہ بن شعبہ رضی اللہ عنہ بیان کرتے ہیں: نبی کریم صلی اللہ علیہ وسلم نے یہ بات ارشاد فرمائی ہے: ”جب امام دو رکعت ادا کرنے کے بعد (بیٹھنے کی بجائے) کھڑا ہو جائے، تو اگر اسے پورا کھڑے ہونے سے پہلے ہی یہ بات یاد آ جائے، تو اسے بیٹھ جانا چاہیے، لیکن اگر وہ پورا کھڑا ہو چکا ہو، تو پھر وہ نہ بیٹھے اور بعد میں سجدہ سہو کر لے۔“ دیگر راویوں نے اسے اسی طرح نقل کیا ہے۔ [سنن الدارقطني/ كِتَابُ الصَّلَاةِ/حدیث: 1418]

سیدنا مغیرہ بن شعبہ رضی اللہ عنہ بیان کرتے ہیں: نبی کریم صلی اللہ علیہ وسلم نے یہ بات ارشاد فرمائی ہے: ”جب کسی شخص کو شک ہو جائے اور وہ رکعت پڑھنے کے بعد (بیٹھنے کی بجائے) کھڑا ہو جائے، تو اگر وہ پورا کھڑا ہو چکا ہو، تو اسی طرح نماز پڑھتا رہے اور بعد میں دو مرتبہ سجدہ سہو کر لے، لیکن اگر وہ پورا کھڑا نہ ہوا ہو، تو اسے بیٹھ جانا چاہیے، اب اس پر سجدہ سہو کرنا لازم نہیں ہو گا۔“ [سنن الدارقطني/ كِتَابُ الصَّلَاةِ/حدیث: 1419]

اس روایت کے بعض راویوں پر تنقید کی گئی ہے۔ [سنن الدارقطني/ كِتَابُ الصَّلَاةِ/حدیث: 1420]