سیدنا ابن عمر رضی اللہ عنہما فرماتے ہیں: ”جب کسی عورت کا ولی ضرر رساں ہو اور وہ عورت کسی دوسرے شخص کو اپنا ولی مقرر کر دے اور وہ اس عورت کا نکاح کروا دے، تو اس کا کروایا نکاح درست ہو گا۔“ [سنن الدارقطني/ كِتَابُ النِّكَاحِ/حدیث: 3884]

شیبانی بیان کرتے ہیں: ہمارے (محلہ یا قبیلہ میں) ایک عورت تھی، جس کا نام بحریہ تھا، اس کی ماں نے اس کی شادی کر دی، اس کا باپ اس وقت وہاں موجود نہ تھا، جب اس کا باپ آیا، تو اس نے اس رشتے سے انکار کر دیا، اس نے یہ معاملہ سیدنا علی رضی اللہ عنہ کے سامنے پیش کیا، تو سیدنا علی رضی اللہ عنہ نے اس نکاح کو برقرار رکھا۔ [سنن الدارقطني/ كِتَابُ النِّكَاحِ/حدیث: 3885]

ابوقیس بیان کرتے ہیں: سیدنا علی رضی اللہ عنہ نے اس بارے میں یہ فیصلہ دیا تھا۔ [سنن الدارقطني/ كِتَابُ النِّكَاحِ/حدیث: 3886]

ہزیل بیان کرتے ہیں: سیدنا علی رضی اللہ عنہ نے اس کے مطابق فیصلہ دیا تھا۔ [سنن الدارقطني/ كِتَابُ النِّكَاحِ/حدیث: 3887]