سعید بن جبیر رحمہ اللہ نے فرمایا: ”زمانہ جاہلیت میں ایک شخص دوسرے شخص سے معاہدہ کر لیتا تھا اور پھر وہ دونوں ایک دوسرے کے وارث بنتے۔“ اسی طرح سیدنا ابو بکر رضی اللہ عنہ نے بھی ایک شخص سے معاہدہ کیا تھا، چنانچہ اس شخص کا انتقال ہوا تو سیدنا ابو بکر رضی اللہ عنہ اس کے وارث بنے۔ [سنن سعید بن منصور/كِتَابُ التَّفْسِيرِ/حدیث: 625]

مجاہد رحمہ اللہ نے اللہ عزوجل کے فرمان ﴿وَلِكُلٍّ جَعَلْنَا مَوَالِيَ مِمَّا تَرَكَ الْوَالِدَانِ وَالْأَقْرَبُونَ﴾ کی تفسیر میں فرمایا: ”یہ عصبہ ہیں۔“ اور اللہ کے فرمان ﴿وَالَّذِينَ عَقَدَتْ أَيْمَانُكُمْ فَآتُوهُمْ نَصِيبَهُمْ﴾ کے بارے میں فرمایا: ”اس سے مراد حلفاء ہیں۔“ اور ﴿فَآتُوهُمْ نَصِيبَهُمْ﴾ کے بارے میں فرمایا: ”یعنی ان کو دیت، مدد اور رفادہ میں ان کا حصہ دو۔“ [سنن سعید بن منصور/كِتَابُ التَّفْسِيرِ/حدیث: 626]

مجاہد رحمہ اللہ اس آیت کو ﴿عَاقَدَتْ أَيْمَانُكُمْ﴾ پڑھتے تھے۔ [سنن سعید بن منصور/كِتَابُ التَّفْسِيرِ/حدیث: 627]