سیدنا ابو بکر رضی اللہ عنہ کو میں نے منبر پر فرماتے ہوئے سنا: لوگ اس آیت کو پڑھتا ہے لیکن اس کے درست معنی نہیں سمجھتا: ﴿يَا أَيُّهَا الَّذِينَ آمَنُوا عَلَيْكُمْ أَنْفُسَكُمْ لَا يَضُرُّكُمْ مَنْ ضَلَّ إِذَا اهْتَدَيْتُمْ﴾ یعنی اے ایمان والو! تم اپنی فکر کرو، اگر تم راہ راست پر ہو تو کسی گمراہ کا تمہ کوئی نقصان نہیں پہنچے گا، حقیقت یہ کہ جب لوگ برائی کو دیکھیں لیکن اس کا انکار نہ کریں اور ظالم کو دیکھیں مگر اسے نہ روکیں، تو اللہ عزوجل ان سب کو عمومی عذاب میں مبتلا کر دیگا۔ [سنن سعید بن منصور/كِتَابُ التَّفْسِيرِ/حدیث: 840]

سیدنا جریر رضی اللہ عنہ فرماتے ہیں: میں نے رسول اللہ صلی اللہ علیہ وسلم کو فرماتے سنا: جو شخص کسی قوم میں ہو جن کے درمیان گناہوں کا ارتکاب کیا جا رہا ہو، وہ اس بات کی طاقت بھی رکھتا ہو کہ اسے روک سکے مگر نہ روکے، تو اللہ عزوجل ان سب کو موت سے پہلے عذاب میں مبتلا فرمائے گا۔ [سنن سعید بن منصور/كِتَابُ التَّفْسِيرِ/حدیث: 841]

حسن رحمہ اللہ فرماتے ہیں: رسول اللہ صلی اللہ علیہ وسلم کے صحابہ میں سے ایک شخص نے یہ آیت تلاوت کی ﴿يَا أَيُّهَا الَّذِينَ آمَنُوا عَلَيْكُمْ أَنْفُسَكُمْ لَا يَضُرُّكُمْ مَنْ ضَلَّ إِذَا اهْتَدَيْتُمْ﴾، تو ایک کہنے والے نے کہا: اس کا ذکر چھوڑ دو، یہ تمہارے لیے نہیں ہے، جب تم سے امر بالمعروف اور نہی عن المنکر قبول کر لیا جائے تب یہ تمہارے لیے ہے۔ [سنن سعید بن منصور/كِتَابُ التَّفْسِيرِ/حدیث: 842]

حسن رحمہ اللہ فرماتے ہیں: سیدنا عبد اللہ بن مسعود رضی اللہ عنہ سے اس آیت کے بارے میں سوال کیا گیا تو انہوں نے فرمایا: آج تمہاری بات قبول کی جاتی ہے، پس اسے کہو، لیکن جب تمہاری بات کو رد کر دیا جائے تو پھر تم اپنی اصلاح کی فکر کرو۔ [سنن سعید بن منصور/كِتَابُ التَّفْسِيرِ/حدیث: 843]

سیدنا عبد اللہ بن مسعود رضی اللہ عنہ نے اللہ عزوجل کے فرمان ﴿يَا أَيُّهَا الَّذِينَ آمَنُوا عَلَيْكُمْ أَنْفُسَكُمْ﴾ کے بارے میں فرمایا: نیکی کا حکم دو اور برائی سے روکو جب تک کہ تمہیں کوڑے اور تلوار کا سامنا نہ کرنا پڑے، پھر جب معاملہ یہاں تک پہنچ جائے تو اپنی اصلاح کی فکر کرو۔ [سنن سعید بن منصور/كِتَابُ التَّفْسِيرِ/حدیث: 844]

سعید بن جبیر رحمہ اللہ نے اللہ عزوجل کے فرمان ﴿عَلَيْكُمْ أَنْفُسَكُمْ لَا يَضُرُّكُمْ مَنْ ضَلَّ﴾ کے بارے میں کہا: اس سے مراد اہلِ کتاب ہیں۔ [سنن سعید بن منصور/كِتَابُ التَّفْسِيرِ/حدیث: 845]

سعید بن جبیر رحمہ اللہ فرماتے ہیں: میں نے سیدنا ابن عباس رضی اللہ عنہما سے پوچھا: کیا میں اپنے امام کو نیکی کا حکم دوں؟ انہوں نے فرمایا: اگر تمہیں اندیشہ ہو کہ وہ تمہیں قتل کر دے گا تو نہ کہو، اور اگر ضرور کہنا ہو تو اسے اپنے اور اس کے درمیان آهستہ کہو، اور ابو عوانہ رحمہ اللہ کی روایت میں یہ اضافہ ہے: اور اپنے امام کی غیبت نہ کرو۔ [سنن سعید بن منصور/كِتَابُ التَّفْسِيرِ/حدیث: 846]

سیدنا سائب بن یزید رضی اللہ عنہ فرماتے ہیں: ایک شخص نے سیدنا عمر بن خطاب رضی اللہ عنہ سے سوال کیا: اللہ کے معاملے میں کسی ملامت کرنے والے کی ملامت کا خوف نہ کرنا بہتر ہے یا اپنی ذات کی اصلاح میں لگ جانا؟ تو سیدنا عمر رضی اللہ عنہ نے فرمایا: جو شخص مسلمانوں کے کسی معاملے کا والی ہو اسے اللہ کے معاملے میں کسی ملامت کرنے والے کی پروا نہیں کرنی چاہیے، اور جو تنہا ہو وہ اپنی ذات کی اصلاح میں لگ جائے اور اپنے حاکم کو نصیحت کرے۔ [سنن سعید بن منصور/كِتَابُ التَّفْسِيرِ/حدیث: 847]

مسعر رحمہ اللہ فرماتے ہیں: ایک شخص سیدنا عبد اللہ بن مسعود رضی اللہ عنہ کے پاس آیا اور کہا: مجھے نصیحت فرمائیں۔ انہوں نے فرمایا: جب تم اللہ عزوجل کو یہ فرماتے سنو ﴿يَا أَيُّهَا الَّذِينَ آمَنُوا﴾ تو پوری توجہ سے سنو، کیونکہ یا تو کسی خیر کا حکم دیا جا رہا ہوتا ہے یا کسی شر سے روکا جا رہا ہوتا ہے۔ [سنن سعید بن منصور/كِتَابُ التَّفْسِيرِ/حدیث: 848]

سیدنا عبد اللہ بن مسعود رضی اللہ عنہ نے اللہ عزوجل کے فرمان ﴿عَلَيْكُمْ أَنْفُسَكُمْ﴾ کے بارے میں فرمایا: ابھی اس آیت پر عمل کرنے کا وقت نہیں آیا، تم اسے اس وقت کہو جب تمہاری بات قبول کی جاتی ہو، پس جب تمہاری بات کو رد کر دیا جائے تو پھر اپنی اصلاح کی فکر کرو، تمہیں گمراہ ہونے والے کا کوئی نقصان نہیں ہوگا جب تم ہدایت پر ہو۔ [سنن سعید بن منصور/كِتَابُ التَّفْسِيرِ/حدیث: 849]