سیدنا ابن عمر رضی اللہ عنہما سے سوال کیا گیا کہ اگر ایک لونڈی دو آدمیوں کے درمیان ہو اور ایک نے اس سے ہمبستری کی، تو فرمایا: ”وہ خائن ہے مگر حد نہیں ہے۔“ [سنن سعید بن منصور/كِتَابُ الطَّلَاقِ/حدیث: 3210]

حضرت سعید بن مسیب رحمہ اللہ نے فرمایا: ”اس پر حد نہیں لیکن سو کوڑے مارے جائیں گے اور لونڈی کی قیمت بھی ادا کرے گا۔“ [سنن سعید بن منصور/كِتَابُ الطَّلَاقِ/حدیث: 3211]

حضرت حسن بصری اور حضرت ابراہیم نخعی رحمہما اللہ نے فرمایا: ”حد نہیں ہے، اگر حمل ٹھہر گیا تو قیمت بھی لازم ہو گی۔“ [سنن سعید بن منصور/كِتَابُ الطَّلَاقِ/حدیث: 3212]

حضرت شعبی رحمہ اللہ نے فرمایا: ”اگر لونڈی حاملہ ہو جائے تو پوری قیمت لازم ہو گی، ورنہ آدھی قیمت ادا کرے اور لونڈی اپنی حالت پر رہے۔“ [سنن سعید بن منصور/كِتَابُ الطَّلَاقِ/حدیث: 3213]

قاضی شریح رحمہ اللہ نے دو مردوں کے درمیان لونڈی کے معاملے میں فیصلہ کیا کہ جس نے ہمبستری کی اس پر نصف قیمت اور نصف عقر لازم ہے۔ [سنن سعید بن منصور/كِتَابُ الطَّلَاقِ/حدیث: 3214]