سیدنا واثلہ بن اسقع رضی اللہ عنہ بیان کرتے ہیں، میں نے نبی اکرم صلی اللہ علیہ وسلم کو یہ ارشاد فرماتے ہوئے سنا ہے:
بے شک سب سے بڑا جھوٹ (یہ بات آپ نے تین مرتبہ ارشاد فرمائی، پھر فرمایا:) یہ ہے، آدمی اپنی ذات کے بارے میں جھوٹ بولے:۔ وہ یہ کہے کہ میں نے یہ خواب دیکھا ہے، حالانکہ اس نے خواب میں سے کچھ نہ دیکھا ہو یا پھر آدمی اپنے والدین کے بارے میں جھوٹی بات بیان کرے، تاکہ اسے اس کے باپ کی بجائے کسی اور کی طرف منسوب کیا جائے، یا پھر وہ شخص یہ کہے کہ اس نے مجھ سے یہ بات (یعنی حدیث) سنی ہے، حالانکہ اس نے مجھ سے وہ بات نہ سنی ہو۔“ [صحیح ابن حبان/المُقَدِّمَةُ/حدیث: 32]