سیدنا عبداللہ بن عباس رضی اللہ عنہما، نبی اکرم صلی اللہ علیہ وسلم کا یہ فرمان نقل کرتے ہیں: جو شخص صبح کے وقت یہ پڑھتا ہے: ”اے اللہ! آج کے دن مجھے جو بھی نعمت حاصل ہو، تیری مخلوق میں سے جس کسی کو جو بھی نعمت حاصل ہو وہ تیری طرف سے ہے، تو ایک ہے تیرا کوئی شریک نہیں، حمد تیرے لئے مخصوص ہے اور شکر بھی تیرے لئے ہے۔“ نبی اکرم صلی اللہ علیہ وسلم نے ارشاد فرمایا: وہ شخص اس دن کے شکر کو ادا کر دیتا ہے۔ [صحیح ابن حبان/كِتَابُ الرَّقَائِقِ/حدیث: 861]