سیدنا براء رضی اللہ عنہ بیان کرتے ہیں: نبی اکرم صلی اللہ علیہ وسلم سے دریافت کیا گیا ہم اونٹوں کے باڑے میں نماز ادا کر لیں۔ تو نبی اکرم صلی اللہ علیہ وسلم نے ارشاد فرمایا: جی نہیں۔ عرض کی گئی: کیا ہم بکریوں کے باڑے میں نماز ادا کر لیں۔ آپ نے ارشاد فرمایا: جی ہاں عرض کی گئی: ہم بکری کا گوشت کھا کر وضو کیا کریں۔ نبی اکرم صلی اللہ علیہ وسلم نے فرمایا: جی نہیں۔ (امام ابن حبان رحمہ اللہ فرماتے ہیں:) سائل کے سوال میں اونٹوں کا گوشت کھانے کے بعد وضو کرنے اور اونٹوں کے باڑے میں نماز ادا کرنے کا تذکرہ ہے۔ نبی اکرم صلی اللہ علیہ وسلم نے دونوں جوابوں میں فرق کیا ہے۔ میں یہ سمجھتا ہوں کہ آپ کی مراد یہ ہے، وہ وضو جو فرض نماز کے لئے کیا جاتا ہے۔ اس سے مراد دونوں ہاتھ دھونا نہیں ہے۔ اس کی وجہ یہ ہے، ہو کی وجہ سے دونوں ہاتھ دھونا مراد ہوتا، تو اس بارے میں اونٹوں کے گوشت اور بکریوں کے گوشت کا حکم برابر ہوتا۔ پہلے یہ حکم تھا کہ آگ پر پکی ہوئی چیز کھانے پر سے وضو ٹوٹ جاتا ہے۔ یہ حکم منسوخ ہو گیا، اور اونٹوں کا گوشت کا حکم مستثنی طور پر باقی رہا۔ جس کا استثنی ان چیزوں سے کیا گیا جنہیں بعد میں مباح قرار دیا گیا تھا، جس کا ذکر ہم پہلے کر چکے ہیں۔ [صحیح ابن حبان/كِتَابُ الطَّهَارَةِ/حدیث: 1128]