سیدنا ابوسعید خدری رضی اللہ عنہ بیان کرتے ہیں: بنوعمرو بن عوف سے تعلق رکھنے والے ایک شخص اور بنوخدرہ سے تعلق رکھنے والے ایک شخص کے درمیان اس مسجد کے بارے میں بحث ہو گئی جس کی بنیاد تقویٰ پر رکھی گئی ہے۔ خدری شخص نے کہا: اس سے مراد نبی اکرم صلی اللہ علیہ وسلم کی مسجد ہے۔ عمری شخص نے کہا: اس سے مراد مسجد قبا ہے۔ راوی بیان کرتے ہیں۔ یہ دونوں صاحبان نکلے اور نبی اکرم صلی اللہ علیہ وسلم کی خدمت میں حاضر ہوئے اور آپ سے اس بارے میں دریافت کیا، تو نبی اکرم صلی اللہ علیہ وسلم نے فرمایا: اس سے مراد یہ مسجد ہے اس سے مراد اللہ کے رسول کی مسجد ہے، اور اس میں بہت زیادہ بھلائی ہے۔ [صحیح ابن حبان/كِتَابُ الصَّلَاةِ/حدیث: 1626]