صالح بن حی رحمہ اللہ بیان کرتے ہیں کہ خراسان سے تعلق رکھنے والے ایک شخص نے امام شعبی رحمہ اللہ سے کہا: ہمارے ہاں یہ کہا جاتا ہے کہ جب کوئی شخص اپنی ام ولد کو آزاد کر دے اور پھر اس کے ساتھ شادی کر لے، تو اس کی مثال ایسے شخص کی طرح ہے جو اپنی قربانی کے جانور پر سوار ہو جاتا ہے، تو امام شعبی رحمہ اللہ نے کہا: سیدنا ابوبردہ رحمہ اللہ نے سیدنا ابوموسیٰ اشعری رضی اللہ عنہ کے حوالے سے مجھے یہ بات بتائی ہے کہ نبی اکرم صلی اللہ علیہ وسلم نے ارشاد فرمایا ہے: ”جب کوئی شخص اپنی کنیز کی تربیت کرے اور اچھی طرح سے تربیت کرے، اس کو تعلیم دے اور اچھی طرح سے تعلیم دے، پھر وہ اسے آزاد کر کے اس کنیز کے ساتھ شادی کر لے، تو اس شخص کو دگنا اجر ملے گا، اور جو شخص سیدنا عیسیٰ علیہ السلام پر ایمان رکھتا ہو، پھر وہ مجھ پر بھی ایمان لے آئے، اسے بھی دگنا اجر ملے گا، اور وہ غلام جو اپنے پروردگار سے ڈرتا ہو اور اپنے آقا کی اطاعت کرتا ہو، اسے بھی دگنا اجر ملے گا۔“ [صحیح ابن حبان/كِتَابُ النِّكَاحِ/حدیث: 4053]