سیدنا سمرہ بن جندب رضی اللہ عنہ نبی کریم صلی اللہ علیہ وسلم سے روایت کرتے ہیں کہ آپ صلی اللہ علیہ وسلم نے فرمایا: ”جس نے کسی عذر کے بغیر جمعہ چھوڑ دیا ہو وہ ایک دینار صدقہ کرے، اگر نہ پائے تو آدھا دینار۔“ امام ابوداؤد رحمہ اللہ فرماتے ہیں: ”خالد بن قیس نے ایسے ہی روایت کیا ہے مگر سند میں اختلاف کیا ہے اور متن میں موافقت کی ہے۔“ [سنن ابي داود/تفرح أبواب الجمعة /حدیث: 1053]

قدامہ بن وبرہ سے روایت ہے، کہتے ہیں کہ رسول اللہ صلی اللہ علیہ وسلم نے فرمایا: ”جس شخص سے بغیر کسی عذر کے ایک جمعہ رہ گیا ہو، تو وہ ایک درہم یا آدھا درہم یا ایک صاع یا آدھا صاع گندم صدقہ کرے۔“ امام ابوداؤد رحمہ اللہ کہتے ہیں: ”اس کو سعید بن بشیر نے قتادہ (راوی) سے ایسے ہی روایت کیا ہے، مگر اس نے ایک مد یا آدھا مد کہا ہے اور سیدنا سمرہ بن جندب رضی اللہ عنہ سے روایت کیا ہے۔“ امام ابوداؤد رحمہ اللہ کہتے ہیں: ”میں نے امام احمد بن حنبل رحمہ اللہ سے سنا، ان سے اس حدیث میں اختلاف کے بارے میں سوال کیا گیا تھا، تو انہوں نے کہا: ”میرے نزدیک ایوب یعنی ابو العلاء کی نسبت ہمام احفظ ہے۔ (یعنی زیادہ یاد رکھنے والا ہے۔)““ [سنن ابي داود/تفرح أبواب الجمعة /حدیث: 1054]