سیدنا ابن عباس رضی اللہ عنہما فرماتے ہیں: رسول اللہ صلی اللہ علیہ وسلم نے ارشاد فرمایا: آبِ زم زم پینے سے مرادیں پوری ہوتی ہیں۔ اگر تم اس کو حصولِ شفا کی نیت سے پیئو گے تو اللہ تعالیٰ اس کے ذریعے تمہیں شفا دے گا اور اگر تم اسے حصول پناہ کی نیت سے پیئو گے تو اللہ تعالیٰ اس کے ذریعے تمہیں پناہ دے گا اور اگر تم اسے صرف پیاس بجھانے کے لیے پیئو گے تو یہ تمہاری (صرف) پیاس بجھائے گا۔ سیدنا عبداللہ بن عباس رضی اللہ عنہما آبِ زم زم پینے کے بعد یوں دعا مانگا کرتے تھے: ” اللّٰھُمَّ اَسألک علما نافعاً، ورزقًا واسعًا، وَشفائً من کلِ دائٍ “ ” اے اللہ میں تجھ سے علم نافع، وسیع رزق اور ہر بیماری سے شفاء کا سوال کرتا ہوں۔ “ ٭٭ اگر یہ سند جارودی کی طرف سے سلامت رہے تو یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ [المستدرك على الصحيحين/أَوَّلُ كِتَابِ الْمَنَاسِكِ/حدیث: 1757]