سیدنا ابوہریرہ رضی اللہ عنہ فرماتے ہیں: رسول اللہ صلی اللہ علیہ وسلم نے ارشاد فرمایا: تم سونے لگو تو یہ دعا پڑھو: اللّٰھمّ ربّ السماوات وربّ الارض ربّنا وربّ کلِ شیئٍ، انت اٰخذ بناصیتہ، انت الاوّل فلیس قبلک شیئٌ، وانت الاٰخر فلیس بعدک شیئٌ، وانت الباطن فلیس دونک شیئٌ، اغننا من الفقر، واقض عنّا الدَّینَ ” اے اللہ! اے زمین اور آسمان کے رب، ہمارے اور ہر شئے کے رب، تو ہی پیشانی سے پکڑنے والا ہے، تو اوّل ہے، تجھ سے پہلے کوئی چیز نہیں ہے، تو آخر ہے تیرے بعد کوئی چیز نہیں ہے، تو باطن ہے تیرے سوا کوئی چیز نہیں ہے، ہمیں فقر سے غنی کر دے اور ہمارا قرضہ ادا فرما دے “ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ اور یہ یوسف وہی ہیں جن کو سکرہ کا غلام کہا جاتا ہے۔ [المستدرك على الصحيحين/كتاب الدعاء والتكبير والتهليل والتسبيح والذكر/حدیث: 2025]