سیدنا عبداللہ بن عمر رضی اللہ عنہما سے روایت ہے کہ میں نے بازار میں زیتون کا تیل خریدا، جب سودا پکا ہو گیا تو مجھے ایک آدمی ملا جس نے مجھے اس پر بہت اچھا نفع پیش کیا، میں نے چاہا کہ اسی وقت اس سے معاملہ کر لوں تو پیچھے سے ایک شخص نے میرا بازو پکڑ لیا، میں نے مڑ کر دیکھا تو وہ سیدنا زید بن ثابت رضی اللہ عنہ تھے، انہوں نے فرمایا: ”تم اسے اسی جگہ نہ بیچو جہاں سے خریدا ہے جب تک کہ اسے اپنے گھر یا ٹھکانے پر نہ لے جاؤ، کیونکہ رسول اللہ صلی اللہ علیہ وسلم نے سامان کو اسی جگہ بیچنے سے منع فرمایا ہے جہاں سے وہ خریدا گیا ہو، یہاں تک کہ تاجر اسے اپنے ٹھکانوں پر منتقل کر لیں۔“ [المستدرك على الصحيحين/كِتَابُ: الْبُيُوعِ/حدیث: 2302]