سیدنا ابوہریرہ رضی اللہ عنہ فرماتے ہیں: ہم رسول اللہ صلی اللہ علیہ وسلم کے ہمراہ نماز عشاء ادا کر رہے تھے، دوران نماز سیدنا حسن رضی اللہ عنہ اور سیدنا حسین رضی اللہ عنہ حضور صلی اللہ علیہ وسلم کی پشت مبارک پر چڑھ گئے، جب آپ نے سجدے سے سر اٹھایا تو بہت نرمی کے ساتھ ان کو نیچے اتار دیا اور جب دوبارہ سجدہ کیا تو ان دونوں نے پھر اسی طرح کیا، جب آپ صلی اللہ علیہ وسلم نماز سے فارغ ہوئے تو ایک کو ایک جانب اور دوسرے کو دوسری جانب بٹھا لیا، میں نے آپ صلی اللہ علیہ وسلم کے قریب ہو کر عرض کی: یا رسول اللہ صلی اللہ علیہ وسلم کیا میں ان کو ان کی اماں کے پاس چھوڑ آؤں؟ آپ نے انکار فرما دیا۔ پھر ایک بجلی سی چمکی، آپ نے حسن اور حسین سے فرمایا: تم دونوں اپنی اماں کے پاس چلے جاؤ، چنانچہ وہ دونوں اس کی چمک میں چلتے چلتے گھر پہنچ گئے۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 4838]