عروہ سے ان صحابہ کے ناموں کے متعلق روایت ہے جو قبیلہ قریش کے بنو عدی بن کعب میں سے جنگ اجنادین کے دن شہید ہوئے: ان میں نعیم بن عبد اللہ النحام رضی اللہ عنہ شامل ہیں، اور یہ سنہ 13 ہجری کا واقعہ ہے۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5209]

محمد بن عمر سے روایت ہے کہ نعیم بن النحام رضی اللہ عنہ ماہِ رجب سنہ 15 ہجری میں غزوہ یرموک کے دن شہید ہوئے۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5210]

سیدنا عبد اللہ بن عمر رضی اللہ عنہما، نعیم النحام رضی اللہ عنہ سے روایت کرتے ہیں کہ ایک رات سخت سردی تھی اور نبی کریم صلی اللہ علیہ وسلم کے مؤذن نے اذان دی، میں اپنے لحاف میں دبکا ہوا تھا، تو میں نے دل میں تمنا کی کہ کاش اللہ تعالیٰ مؤذن کی زبان پر یہ کلمات جاری فرما دے: ”اور (نہ آنے میں) کوئی حرج نہیں۔ (یعنی لوگ گھروں میں نماز پڑھ لیں)“، پس جب مؤذن اذان سے فارغ ہوا تو اس نے (وہی الفاظ) کہے: ”اور (نہ آنے میں) کوئی تنگی / حرج نہیں۔“
یہ حدیث صحیح الاسناد ہے لیکن شیخین نے اسے روایت نہیں کیا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5211]