سیدنا عمرو بن عبسہ رضی اللہ عنہ فرماتے ہیں: نبی اکرم صلی اللہ علیہ وسلم عکاظ میں ٹھہرے ہوئے تھے، میں نے آپ صلی اللہ علیہ وسلم کو وہاں پر دیکھا، میں نے پوچھا کہ اس (دین کے معاملہ میں) کون کون آپ کے ہمراہ شامل ہے؟ تو آپ صلی اللہ علیہ وسلم نے فرمایا: دو آدمی ہیں۔ ابوبکر رضی اللہ عنہ اور بلال رضی اللہ عنہ۔ اس کے بعد میں مسلمان ہو گیا، میں سمجھتا ہوں کہ میں چوتھے نمبر پر اسلام لایا ہوں۔ ٭٭ یہ حدیث صحیح الاسناد ہے لیکن شیخین رحمۃ اللہ علیہما نے اس کو نقل نہیں کیا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5329]

محمد بن عمر کہتے ہیں: سیدنا بلال رضی اللہ عنہ کا انتقال 20 ہجری کو ہوا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5330]