سیدنا علی رضی اللہ عنہ فرماتے ہیں: نبی اکرم صلی اللہ علیہ وسلم کی تدفین کے موقع پر سیدنا مغیرہ بن شعبہ رضی اللہ عنہ کی انگوٹھی قبر میں گر گئی تو سیدنا علی رضی اللہ عنہ نے سیدنا مغیرہ سے فرمایا: لوگ ایسی باتیں نہ کریں کہ تم رسول اللہ صلی اللہ علیہ وسلم کی قبر میں اترے ہو اور نہ ہی تو لوگوں کو بتانا کہ تمہاری انگوٹھی رسول اللہ صلی اللہ علیہ وسلم کی قبر میں رہ گئی ہے۔ پھر سیدنا علی رضی اللہ عنہ خود قبر میں اترے، انہوں نے انگوٹھی گرنے کی جگہ کو دیکھ لیا اور نکال کر مغیرہ بن شعبہ رضی اللہ عنہ کے سپرد کر دی۔۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6004]

ابن عمر، سیدنا موسیٰ ثقفی کے والد کا یہ بیان نقل کیا ہے کہ سیدنا مغیرہ بن شعبہ رضی اللہ عنہ کوفہ میں پچاس ہجری کو ماہ شعبان المعظم میں ستر برس کی عمر میں سیدنا معاویہ رضی اللہ عنہ کی خلافت میں فوت ہوئے [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6004M]