عطاء بن سائب کہتے ہیں: محارب بن فضل بجلی نے مجھ سے پوچھا: کیا تم نے سعید بن جبیر سے، کوثر کے بارے میں سیدنا عبداللہ بن عباس رضی اللہ عنہما کا کوئی ارشاد سن رکھا ہے؟ میں نے کہا: جی ہاں۔ میں نے سیدنا عبداللہ بن عباس رضی اللہ عنہما کو یہ فرماتے ہوئے سنا ہے کہ سیدنا عمر بن خطاب رضی اللہ عنہ نے فرمایا: جب یہ آیت: إِنَّا أَعْطَيْنَاكَ الْكَوْثَرَ ” بے شک ہم نے تمہیں خیر کثیر عطا کی “۔ نازل ہوئی تو رسول اللہ صلی اللہ علیہ وسلم نے ارشاد فرمایا: یہ جنت میں بہنے والی ایک نہر ہے، جس کے کنارے سونے کے ہیں، موتیوں اور یاقوت پر بہتی ہے، اس کا پانی دودھ سے زیادہ سفید ہے، شہد سے زیادہ میٹھا ہے۔ محارب بن دثار فرماتے ہیں: اللہ کی قسم! ابن عباس نے بالکل سچ فرمایا: خدا کی قسم! یہی خیر کثیر ہے۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6441]

ابونعیم فرماتے ہیں: سیدنا عبداللہ بن عباس رضی اللہ عنہما کا وصال مبارک 68 ہجری کو ہوا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6442]