مصعب بن عبداللہ زبیری فرماتے ہیں: سیدنا عبداللہ بن عمر بن خطاب بن نفیل عدوی رضی اللہ عنہما کی کنیت ” ابوعبدالرحمن “ تھی۔ ان کی والدہ ” زینب بنت مظعون بن حبیب بن وہب بن حذافہ بن جمح “ تھیں۔ سیدنا عبداللہ بن عمر رضی اللہ عنہما زرد خضاب لگاتے تھے، مکہ مکرمہ میں ان کی وفات ہوئی، اور ” ذی طویٰ “ میں ان کو دفن کیا گیا۔ بعض مؤرخین کا کہنا ہے کہ ان کو مہاجرین کے قبرستان ” فخ “ میں دفن کیا گیا۔ 74 ہجری کو ان کا وصال ہوا اور وصال کے وقت ان کی عمر 84 برس تھی۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6493]