سیدنا علی رضی اللہ عنہ سے روایت ہے، وہ کہتے ہیں کہ میں نے نبی کریم صلی اللہ علیہ وسلم کو خبر دی کہ ”آپ صلی اللہ علیہ وسلم کا بوڑھا گمراہ چچا مر گیا ہے۔“ آپ صلی اللہ علیہ وسلم نے فرمایا: ”جاؤ اور اپنے والد کو زمین میں دبا آؤ، پھر کوئی کام نہ کرنا حتیٰ کہ میرے پاس آ جانا۔“ چنانچہ میں گیا اور اسے زمین میں دبا آیا اور آپ صلی اللہ علیہ وسلم کی خدمت میں حاضر ہو گیا، آپ صلی اللہ علیہ وسلم نے مجھے حکم دیا تو میں نے غسل کیا اور آپ صلی اللہ علیہ وسلم نے میرے لیے دعا فرمائی۔ [سنن ابي داود/كِتَاب الْجَنَائِزِ/حدیث: 3214]