سیدنا ابن عباس رضی اللہ عنہما سے روایت ہے کہ رسول اللہ صلی اللہ علیہ وسلم نے فرمایا: ”جو کوئی کسی چوپائے سے بدفعلی کرے اس شخص کو قتل کر دو اور اس کے ساتھ اس چوپائے کو بھی مار ڈالو۔“ (عکرمہ رحمہ اللہ کہتے ہیں) میں نے ان (ابن عباس رضی اللہ عنہما) سے کہا کہ چوپائے کے قتل کی وجہ کیا ہے؟ انہوں نے کہا: ”میرا خیال ہے کہ آپ صلی اللہ علیہ وسلم نے مکروہ جانا کہ اس کا گوشت کھایا جائے جبکہ اس کے ساتھ ایسا کام کیا گیا ہے۔“ امام ابوداؤد رحمہ اللہ کہتے ہیں کہ ”یہ روایت قوی نہیں ہے۔“ [سنن ابي داود/كِتَاب الْحُدُودِ/حدیث: 4464]

ابورزین، سیدنا ابن عباس رضی اللہ عنہ سے روایت کرتے ہیں کہ ”جو شخص چوپائے سے بدفعلی کرے اس پر حد نہیں ہے۔“ امام ابوداؤد رحمہ اللہ کہتے ہیں کہ ”عطاء رحمہ اللہ نے بھی ایسے ہی کہا ہے۔“ حکم رحمہ اللہ کہتے ہیں کہ ”اس کو کوڑے لگائے جائیں، مگر اس تعداد میں کہ حد کو نہ پہنچیں۔“ حسن بصری رحمہ اللہ کہتے ہیں کہ ”ایسا آدمی زانی کی مانند ہے۔“ امام ابوداؤد رحمہ اللہ کہتے ہیں کہ ”عاصم کی حدیث عمرو بن ابوعمرو کی روایت (4464) کو ضعیف کرتی ہے۔“ [سنن ابي داود/كِتَاب الْحُدُودِ/حدیث: 4465]