سیدنا معاویہ بن سفیان رضی اللہ عنہما بیان فرماتے ہیں، میں نے اپنی ماں ہند بنت عتبہ رضی اللہ عنہا کو رسول اللہ صلى الله عليه وسلم کا تذکرہ کرتے سنا تو وہ فرما رہی تھیں، میں نے غزوۂ احد کے دن آپ علیہ السلام کے چچا اور صحابہ کا مثلہ کیا، جب قریش رات کو واپس گئے تو میں بھی ان کے ساتھ تھی، میں نے تین راتیں مسلسل خواب دیکھا، میں نے دیکھا میں اندھیرے میں ہوں اور کچھ بھی نہیں دیکھ پا رہی، اچانک اندھیرا روشنی سے چھٹ جاتا ہے تو میں نے رسول اللہ صلی اللہ علیہ وسلم کو دیکھا آپ مجھے بلا رہے تھے۔ پھر میں نے دوسری رات دیکھا میں راستے پر ہوں اور میرے دائیں جانب ”ہبل“ اور بائیں جانب ”اساف“ مجھے بلا رہے ہیں اور رسول اللہ صلی اللہ علیہ وسلم میرے سامنے ہیں اور آپ نے کہا: آ جا، آؤ اس راستے کی طرف۔ پھر میں نے تیسری رات دیکھا میں جہنم کے کنارے کھڑی ہوں وہ (جہنم کے دروغے) مجھے اس میں پھینکنا چاہتے ہیں، اور ہبل کہ رہا ہے اس میں داخل ہو جا، میں نے مٹر کر دیکھا تو رسول اللہ صلی اللہ علیہ وسلم میرے پیچھے کھڑے میرے کپڑوں کو پکڑے ہوئے ہیں اور میں جنم کے گڑھے سے دور ہو گئی میں خوفزدہ تھی اور میں نے کہا۔ میرے لیے اس (حق و باطل) کو واضح کیا گیا ہے، میں صبح اپنے گھر میں موجود بت کے پاس گئی اور اسے توڑ دیا اور میں توڑتے وقت کہہ رہی تھی کتنے ہی عرصہ سے میں تیرے بارے دھوکہ میں مبتلا تھی، پھر میں رسول اللہ صلی اللہ علیہ وسلم کے پاس آئی اسلام قبول کیا اور میں نے آپ کی بیعت کر لی۔ [مسند عمر بن عبد العزيز/عمر بن عبد العزيز عن سلمى مولاة مروان/حدیث: 95]