🏠 👥 🔍 🧩 🅰️ 📌 ↩️

الحمدللہ ! آج حدیث مبارک کی دو نئی کتب مسند أبي يعلى الموصلي اور المعجم الأوسط اردو عربی سرچ سہولت کے ساتھ پیش کر دی گئی ہے۔ News
مجمع الزاوئد ومنبع الفوائد سے متعلقہ
تمام کتب
ترقیم شاملہ
عربی
اردو
حدیث کتب میں نمبر سے حدیث تلاش کریں:

مجمع الزاوئد ومنبع الفوائد میں نمبر سے تلاش کل احادیث (18776)
حدیث نمبر لکھیں:
مجمع الزاوئد ومنبع الفوائد میں عربی لفظ/الفاظ تلاش کریں
عربی لفظ / الفاظ لکھیں:
مجمع الزاوئد ومنبع الفوائد میں اردو لفظ/الفاظ تلاش کریں
اردو لفظ / الفاظ لکھیں:
39. بَابُ النَّظَرِ إِلَى مَنْ يُرِيدُ تَزْوِيجَهَا .
آدمی کا اس عورت کو دیکھنا، جس کے ساتھ وہ شادی کرنا چاہتا ہے
اظهار التشكيل
حدیث نمبر: 7457
وَعَنْ سَعْدِ بْنِ أَبِي وَقَّاصٍ أَنَّهُ خَطَبَ امْرَأَةً بِمَكَّةَ، وَهُوَ مَعَ رَسُولِ اللَّهِ - صَلَّى اللَّهُ عَلَيْهِ وَسَلَّمَ - فَقَالَ: لَيْتَ عِنْدِي مَنْ يَرَاهَا وَمَنْ يُخْبِرُنِي عَنْهَا؟ فَقَالَ رَجُلٌ يُدْعَى هِيتٌ: أَنَا أَنْعَتُهَا لَكَ إِذَا أَقْبَلَتْ قُلْتَ تَمْشِي عَلَى سِتٍّ، وَإِذَا أَدْبَرَتْ قُلْتَ: تَمْشِي عَلَى أَرْبَعٍ. فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -:" أَرَى هَذَا مُنْكَرًا أَرَاهُ يَعْرِفُ أَمْرَ النِّسَاءِ". وَكَانَ يَدْخُلُ عَلَى سَوْدَةَ فَنَهَاهُ أَنْ يَدْخُلَ عَلَيْهَا فَلَمَّا قَدِمَ الْمَدِينَةَ نَفَاهُ، وَكَانَ كَذَلِكَ حَتَّى أَمَرَهُ عُمَرُ فَجَهِدَ، وَكَانَ يُرَخِّصُ لَهُ أَنْ يَدْخُلَ الْمَدِينَةَ يَوْمَ الْجُمُعَةِ فَيُتَصَدَّقُ عَلَيْهِ.
رَوَاهُ أَبُو يَعْلَى، وَالْبَزَّارُ، وَفِيهِ عَبْدُ الْكَرِيمِ أَبُو أُمَيَّةَ، وَهُوَ ضَعِيفٌ.
سیدنا سعد بن ابی وقاص رضی اللہ عنہ بیان کرتے ہیں: انہوں نے مکہ میں ایک خاتون کو شادی کا پیغام دیا، وہ نبی اکرم صلی اللہ علیہ وسلم کے ساتھ تھے۔ انہوں نے کہا: کاش کوئی اس عورت کو دیکھ کر مجھے اس عورت کے بارے میں بتا دے، ایک شخص جس کا نام ”ہیت“ تھا، اس نے کہا: میں اس کا حلیہ آپ کے سامنے بیان کرتا ہوں، جب وہ آتی ہے، تو آپ یہ کہہ سکتے ہیں کہ چھ بل پڑتے ہیں اور جب وہ جاتی ہے، تو آپ یہ کہہ سکتے ہیں وہ چار بل کے ساتھ چلتی ہے، تو نبی اکرم صلی اللہ علیہ وسلم نے فرمایا: میں اس چیز کو منکر سمجھتا ہوں، اور اس شخص کے بارے میں میری یہ رائے ہے کہ یہ عورتوں کے معاملے سے واقف ہے، وہ شخص پہلے سیدہ سودہ رضی اللہ عنہ کے ہاں آیا جایا کرتا تھا، تو نبی اکرم صلی اللہ علیہ وسلم نے اسے اس سے منع کر دیا کہ وہ سیدہ سودہ رضی اللہ عنہ کے ہاں آئندہ آئے، جب وہ مدینہ منورہ آیا، تو نبی اکرم صلی اللہ علیہ وسلم نے اسے جلا وطن کروا دیا، اور اس کا معاملہ اسی طرح رہا، یہاں تک کہ سیدنا عمر رضی اللہ عنہ کے زمانہ میں وہ بھوک کا شکار ہوا، تو سیدنا عمر رضی اللہ عنہ نے اسے یہ اجازت دی کہ وہ جمعہ کے دن مدینہ آیا کرے، اور اسے صدقہ دے دیا جایا کرے۔
یہ روایت امام ابویعلیٰ اور امام بزار نے نقل کی ہے، اس کی سند میں ایک راوی عبدالکریم ابوامیہ ہے اور وہ ضعیف ہے۔ [مجمع الزاوئد ومنبع الفوائد/كتاب النكاح/حدیث: 7457]
تخریج الحدیث: «اخرجه البزار فى المسند (1493) اخرجه ابو يعلى فى المسند (758)»

الحكم على الحديث:
إسنادہ ضعیف
مزید تخریج الحدیث شرح دیکھیں
اظهار التشكيل
حدیث نمبر: 7458
وَعَنْ عَلِيٍّ أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ:" يَا عَلِيُّ إِنَّ لَكَ فِي الْجَنَّةِ كَنْزًا، وَإِنَّكَ ذُو قَرْنَيْهَا فَلَا تُتْبِعِ النَّظْرَةَ النَّظْرَةَ، فَإِنَّ لَكَ الْأُولَى".
رَوَاهُ الْبَزَّارُ، وَالطَّبَرَانِيُّ فِي الْأَوْسَطِ وَزَادَ:" وَلَيْسَتْ لَكَ الْآخِرَةُ". وَرِجَالُ الطَّبَرَانِيِّ ثِقَاتٌ.
سیدنا علی رضی اللہ عنہ نبی اکرم صلی اللہ علیہ وسلم کا یہ فرمان نقل کرتے ہیں: ”اے علی! تمہارے لئے جنت میں ایک خزانہ ہے، اور تم ”ذوالقرنین“ ہو، تم ایک نظر کے بعد دوسری نظر نہ ڈالنا، کیونکہ تمہیں صرف پہلی (نظر) کی اجازت ہے“۔
یہ روایت امام بزار نے نقل کی ہے اور امام طبرانی نے معجم اوسط میں نقل کی ہے، انہوں نے یہ الفاظ زائد نقل کیے ہیں: ”تمہیں دوسری (نظر) کی اجازت نہیں ہے“ امام طبرانی کے رجال ثقہ ہیں۔ [مجمع الزاوئد ومنبع الفوائد/كتاب النكاح/حدیث: 7458]
تخریج الحدیث: «اخرجه البزار فى المسند (1419)»

الحكم على الحديث:
إسنادہ صحیح
مزید تخریج الحدیث شرح دیکھیں
40. بَابُ عَرْضِ الرَّجُلِ وَلِيَّتَهُ عَلَى أَهْلِ الْخِيرَةِ .
آدمی کا، اپنی زیر پرورش لڑکی کے رشتہ کی، نیک لوگوں کو پیش کش کرنا
اظهار التشكيل
حدیث نمبر: 7459
عَنِ ابْنِ عُمَرَ قَالَ: لَمَّا تَأَيَّمَتْ حَفْصَةُ مِنْ خُنَيْسِ بْنِ حُذَافَةَ لَقِيَ عُمَرُ عُثْمَانَ فَعَرَضَهَا عَلَيْهِ فَقَالَ عُثْمَانُ: مَا لِي فِي النِّسَاءِ حَاجَةٌ وَسَأَنْظُرُ. فَلَقِيَ أَبَا بَكْرٍ فَعَرَضَهَا عَلَيْهِ فَسَكَتَ فَوَجَدَ عُمَرُ فِي نَفْسِهِ عَلَى أَبِي بَكْرٍ فَإِذَا رَسُولُ اللَّهِ - صَلَّى اللَّهُ عَلَيْهِ وَسَلَّمَ - قَدْ خَطَبَهَا فَلَقِيَ أَبَا بَكْرٍ عُمَرُ فَقَالَ: إِنِّي كُنْتُ عَرَضْتُهَا عَلَى عُثْمَانَ فَرَدَّنِي، وَإِنِّي عَرَضْتُهَا عَلَيْكَ فَسَكَتَّ عَنِّي فَلَا أَنَا عَلَيْكَ كُنْتُ أَشُدَّ غَضَبًا مِنِّي عَلَى عُثْمَانَ، وَقَدْ رَدَّنِي. فَقَالَ أَبُو بَكْرٍ: إِنَّهُ قَدْ كَانَ سِرٌّ فَكَرِهْتُ أَنْ أُفْشِيَ السِّرَّ.
قُلْتُ: هُوَ فِي الصَّحِيحِ مِنْ حَدِيثِ عُمَرَ نَفْسِهِ، وَهُوَ هُنَا مِنْ حَدِيثِ ابْنِ عُمَرَ.
رَوَاهُ أَحْمَدُ، وَفِيهِ سُفْيَانُ بْنُ حُسَيْنٍ، وَهُوَ ثِقَةٌ، وَفِي حَدِيثِهِ عَنِ الزُّهْرِيِّ ضَعْفٌ، وَبَقِيَّةُ رِجَالِهِ رِجَالُ الصَّحِيحِ.
وَرَوَاهُ أَبُو يَعْلَى بِنَحْوِهِ وَزَادَ: قَالَ عُمَرُ: فَشَكَوْتُ عُثْمَانَ لِرَسُولِ اللَّهِ - صَلَّى اللَّهُ عَلَيْهِ وَسَلَّمَ - فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -:" تَزَوَّجَ حَفْصَةَ خَيْرٌ مِنْ عُثْمَانَ وَيُزَوَّجُ عُثْمَانَ خَيْرٌ مِنْ حَفْصَةَ" فَزَوَّجَهُ النَّبِيُّ - صَلَّى اللَّهُ عَلَيْهِ وَسَلَّمَ - ابْنَتَهُ.
وَفِي إِسْنَادِهِ الْوَلِيدُ بْنُ مُحَمَّدٍ الْمُوَقَّرِيُّ، وَهُوَ ضَعِيفٌ.
سیدنا عبداللہ بن عمر رضی اللہ عنہما بیان کرتے ہیں: جب سیدہ حفصہ رضی اللہ عنہا، خنیس بن حذافہ کے حوالے سے بیوہ ہو گئیں، تو سیدنا عمر رضی اللہ عنہ کی ملاقات سیدنا عثمان رضی اللہ عنہ سے ہوئی، انہوں نے سیدنا عثمان رضی اللہ عنہ کو سیدہ حفصہ رضی اللہ عنہا کا رشتہ دیا، تو سیدنا عثمان رضی اللہ عنہ نے کہا: مجھے خواتین کی ضرورت نہیں ہے البتہ میں اس بارے میں غور کروں گا، پھر اُن کی سیدنا ابوبکر رضی اللہ عنہ سے ملاقات ہوئی، سیدنا ابوبکر رضی اللہ عنہ کو انہوں نے اس بارے میں پیشکش کی، تو وہ خاموش رہے، سیدنا عمر رضی اللہ عنہ کو سیدنا ابوبکر رضی اللہ عنہ کے حوالے سے الجھن محسوس ہوئی، پھر جب نبی اکرم صلی اللہ علیہ وسلم نے سیدہ حفصہ رضی اللہ عنہا کے لئے شادی کا پیغام دے دیا، پھر سیدنا ابوبکر رضی اللہ عنہ کی سیدنا عمر رضی اللہ عنہ سے ملاقات ہوئی، تو سیدنا عمر رضی اللہ عنہ نے کہا: میں نے عثمان کو پیشکش کی تھی لیکن انہوں نے جواب دے دیا، میں نے آپ کو پیشکش کی لیکن آپ خاموش رہے، مجھے آپ پر عثمان سے زیادہ غصہ آیا، کیونکہ اس نے مجھے جواب تو دے دیا تھا، تو سیدنا ابوبکر رضی اللہ عنہ نے فرمایا: یہ ایک راز تھا، مجھے یہ اچھا نہیں لگا کہ میں اس راز کو ظاہر کروں۔ (علامہ ہیثمی فرماتے ہیں:) میں یہ کہتا ہوں:
یہ روایت ”صحیح“ میں، سیدنا عمر رضی اللہ عنہ سے منقول حدیث کے طور پر مذکور ہے، اور یہاں یہ سیدنا عبداللہ بن عمر رضی اللہ عنہما کے حوالے سے منقول ہے۔
یہ روایت امام أحمد نے نقل کی ہے اس کی سند میں ایک راوی سفیان بن حسین ہے اور وہ ثقہ ہے، زہری سے اس کے حدیث نقل کرنے میں ضعف پایا جاتا ہے، اس روایت کے بقیہ رجال صحیح کے رجال ہیں۔
یہ روایت امام ابویعلیٰ نے اس کی مانند نقل کی ہے، اور انہوں نے یہ الفاظ زائد نقل کیے ہیں: سیدنا عمر رضی اللہ عنہ کہتے ہیں: میں نے سیدنا عثمان رضی اللہ عنہ کی شکایت نبی اکرم صلی اللہ علیہ وسلم سے کی، تو نبی اکرم صلی اللہ علیہ وسلم نے ارشاد فرمایا: ”حفصہ کے ساتھ وہ شادی کرے گا، جو عثمان سے زیادہ بہتر ہے، اور عثمان کی شادی اس سے ہو گی، جو حفصہ سے زیادہ بہتر ہے“۔ تو نبی اکرم صلی اللہ علیہ وسلم نے اپنی صاحبزادی کی شادی سیدنا عثمان رضی اللہ عنہ سے کروا دی۔ اس روایت کی سند میں ایک راوی ولید بن محمد موقری ہے اور وہ ضعیف ہے۔ [مجمع الزاوئد ومنبع الفوائد/كتاب النكاح/حدیث: 7459]
تخریج الحدیث: «اخرجه احمد فى المسند (12/1)»

الحكم على الحديث:
إسناده ضعیف
مزید تخریج الحدیث شرح دیکھیں
اظهار التشكيل
حدیث نمبر: 7460
وَعَنِ الْفَضْلِ بْنِ عَبَّاسٍ قَالَ: كُنْتُ رِدْفَ رَسُولِ اللَّهِ - صَلَّى اللَّهُ عَلَيْهِ وَسَلَّمَ - وَأَعْرَابِيٌّ مَعَهُ ابْنَةٌ لَهُ حَسْنَاءُ فَجَعَلَ الْأَعْرَابِيُّ يَعْرِضُهَا عَلَى رَسُولِ اللَّهِ - صَلَّى اللَّهُ عَلَيْهِ وَسَلَّمَ - رَجَاءَ أَنْ يَتَزَوَّجَهَا قَالَ: فَجَعَلْتُ أَلْتَفِتُ إِلَيْهَا وَجَعَلَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - يَأْخُذُ بِرَأْسِي فَيَلْوِيهِ [ وَكَانَ رَسُولُ اللَّهِ صَلَّى اللَّهُ عَلَيْهِ وَسَلَّمَ يُلَبِّي حَتَّى رَمَى جَمْرَةَ الْعَقَبَةِ ] .
رَوَاهُ أَبُو يَعْلَى، وَرِجَالُهُ رِجَالُ الصَّحِيحِ.
سیدنا فضل بن عباس رضی اللہ عنہما بیان کرتے ہیں: میں نبی اکرم صلی اللہ علیہ وسلم کے پیچھے سواری پر موجود تھا، ایک دیہاتی کے پیچھے اس کی سواری پر اس کی خوبصورت بیٹی بھی تھی، اس دیہاتی نے نبی اکرم صلی اللہ علیہ وسلم کے سامنے اس عورت کو کیا، یہ امید رکھتے ہوئے کہ نبی اکرم صلی اللہ علیہ وسلم اس کے ساتھ شادی کر لیں گے، سیدنا فضل رضی اللہ عنہ کہتے ہیں: میں نے اس عورت کی طرف دیکھنا شروع کیا، تو نبی اکرم صلی اللہ علیہ وسلم نے میرا سر پکڑ کر اس کی طرف سے موڑ دیا، نبی اکرم صلی اللہ علیہ وسلم مسلسل تلبیہ پڑھتے رہے، یہاں تک کہ آپ نے جمرہ عقبہ کی رمی کر لی۔
یہ روایت امام ابویعلیٰ نے نقل کی ہے اور اس کے رجال صحیح کے رجال ہیں۔ [مجمع الزاوئد ومنبع الفوائد/كتاب النكاح/حدیث: 7460]
تخریج الحدیث: «اخرجه ابو يعلى فى المسند (6731)»

الحكم على الحديث:
إسنادہ صحیح
مزید تخریج الحدیث شرح دیکھیں
41. بَابُ الِاسْتِئْمَارِ .
مرضی معلوم کرنا
اظهار التشكيل
حدیث نمبر: 7461
عَنْ عَائِشَةَ قَالَتْ: كَانَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - إِذَا أَرَادَ أَنْ يُزَوِّجَ بِنْتًا مِنْ بَنَاتِهِ جَلَسَ إِلَى خِدْرِهَا فَقَالَ: إِنَّ فُلَانًا يَذْكُرُ فُلَانَةَ" يُسَمِّيهَا وَيُسَمِّي الرَّجُلَ الَّذِي يَذْكُرُهَا، فَإِنْ هِيَ سَكَتَتْ زَوَّجَهَا، وَإِنْ هِيَ كَرِهَتْ نَقَرَتِ السِّتْرَ فَإِذَا نَقَرَتْهُ لَمْ يُزَوِّجْهَا.
رَوَاهُ أَحْمَدُ، وَأَبُو يَعْلَى، وَفِيهِ أَيُّوبُ بْنُ عُتْبَةَ، وَهُوَ ضَعِيفٌ، وَقَدْ وُثِّقَ.
سیدہ عائشہ رضی اللہ عنہا فرماتی ہیں: نبی اکرم صلی اللہ علیہ وسلم جب اپنی کسی صاحبزادی کی شادی کرنے کا ارادہ کرتے تھے، تو آپ پردے کے پاس تشریف فرما ہوتے تھے اور فرماتے تھے: فلاں شخص نے فلاں خاتون کا ذکر کیا ہے، نبی اکرم صلی اللہ علیہ وسلم صاحبزادی کا نام لیتے تھے اور اس شخص کا نام لیتے تھے، جس نے ذکر کیا ہوتا تھا، اگر وہ صاحبزادی خاموش رہتی، تو آپ ان کی شادی طے کر دیتے تھے، اور اگر وہ ناپسندیدگی کا اظہار کرتی تھی، تو پردے کو کھٹکھٹا دیتی تھیں، جب وہ پردہ کھٹکھٹا دیتیں، تو نبی اکرم صلی اللہ علیہ وسلم ان کی شادی نہیں کرتے۔
یہ روایت امام أحمد اور امام ابویعلیٰ نے نقل کی ہے، اس کی سند میں ایک راوی ایوب بن عتبہ ہے اور وہ ضعیف ہے، ویسے اس کی توثیق کی گئی ہے۔ [مجمع الزاوئد ومنبع الفوائد/كتاب النكاح/حدیث: 7461]
تخریج الحدیث: «أخرجه مسند أحمد برقم: 23973»

الحكم على الحديث:
إسناده ضعیف
مزید تخریج الحدیث شرح دیکھیں
اظهار التشكيل
حدیث نمبر: 7462
وَعَنْ أَبِي هُرَيْرَةَ عَنِ النَّبِيِّ - صَلَّى اللَّهُ عَلَيْهِ وَسَلَّمَ - أَنَّهُ كَانَ إِذَا أَرَادَ أَنْ يُزَوِّجَ بِنْتًا مِنْ بَنَاتِهِ جَلَسَ عِنْدَ خِدْرِهَا، ثُمَّ يَقُولُ:" إِنَّ فُلَانًا يَخْطُبُ فُلَانَةً". فَإِنْ سَكَتَتْ فَذَلِكَ إِذْنُهَا أَوْ قَالَ:" سُكُوتُهَا إِذْنُهَا".
رَوَاهُ الْبَزَّارُ، وَرِجَالُهُ ثِقَاتٌ.
سیدنا ابوہریرہ رضی اللہ عنہ نبی اکرم صلی اللہ علیہ وسلم کے بارے میں یہ بات نقل کرتے ہیں: جب آپ نے اپنی صاحبزادی کی شادی کرنے کا ارادہ کیا، تو آپ پردے کے پاس بیٹھ گئے، پھر آپ نے فرمایا: فلاں شخص نے فلاں خاتون کے لئے شادی کا پیغام بھیجا ہے، اگر وہ صاحبزادی خاموش رہیں، تو یہ ان کی اجازت شمار ہوئی، یا آپ نے ارشاد فرمایا: اس کی خاموشی اس کی اجازت ہو گی۔
یہ روایت امام بزار نے نقل کی ہے اور اس کے رجال ثقہ ہیں۔ [مجمع الزاوئد ومنبع الفوائد/كتاب النكاح/حدیث: 7462]

الحكم على الحديث:
إسنادہ صحیح
مزید تخریج الحدیث شرح دیکھیں
اظهار التشكيل
حدیث نمبر: 7463
وَعَنْ أَنَسِ بْنِ مَالِكٍ أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - كَانَ إِذَا خُطِبَ بَعْضُ بَنَاتِهِ جَلَسَ إِلَى الْخِدْرِ فَقَالَ:" إِنَّ فُلَانًا يَخْطُبُ فُلَانَةً". فَإِنْ هِيَ سَكَتَتْ كَانَ سُكُوتُهَا رِضَاهَا، وَإِنْ هِيَ كَرِهَتْ طَعَنَتْ فِي الْحِجَابِ فَكَانَ ذَلِكَ مِنْهَا كَرَاهِيَةً.
رَوَاهُ الطَّبَرَانِيُّ فِي الْأَوْسَطِ، وَفِيهِ عَبْدُ الْعَزِيزِ بْنُ الْحُصَيْنِ، وَهُوَ ضَعِيفٌ.
سیدنا انس بن مالک رضی اللہ عنہ بیان کرتے ہیں: نبی اکرم صلی اللہ علیہ وسلم کو جب کسی صاحبزادی کے لئے شادی کا پیغام دیا گیا، تو آپ پردے کے پیچھے تشریف فرما ہوئے، آپ نے فرمایا: فلاں شخص نے فلاں خاتون کے لئے شادی کا پیغام دیا ہے، اگر وہ صاحبزادی خاموش رہیں، تو ان کی خاموشی ان کی رضامندی شمار ہوئی، اور اگر انہیں ناگوار گزرا، تو انہوں نے پردے کو کھٹکھٹا دیا، تو یہ چیز ان کی طرف سے ناگواری کا اظہار شمار ہوا۔
یہ روایت امام طبرانی نے معجم اوسط میں نقل کی ہے، اس کی سند میں ایک راوی عبدالعزیز بن حصین ہے اور وہ ضعیف ہے۔ [مجمع الزاوئد ومنبع الفوائد/كتاب النكاح/حدیث: 7463]

الحكم على الحديث:
إسناده ضعیف
مزید تخریج الحدیث شرح دیکھیں
اظهار التشكيل
حدیث نمبر: 7464
وَعَنِ ابْنِ عَبَّاسٍ قَالَ: كَانَ النَّبِيُّ - صَلَّى اللَّهُ عَلَيْهِ وَسَلَّمَ - إِذَا خُطِبَ إِلَيْهِ بَعْضُ بَنَاتِهِ أَتَى الْخِدْرَ فَقَالَ:" إِنَّ فُلَانًا يَخْطُبُ فُلَانَةً". فَإِنْ طَعَنَتْ فِي الْخِدْرِ لَمْ يُزَوِّجْهَا، وَإِنْ لَمْ تَطْعَنْ فِي الْخِدْرِ زَوَّجَهَا.
رَوَاهُ الطَّبَرَانِيُّ، وَفِيهِ يَحْيَى بْنُ عَبْدِ الْحَمِيدِ الْحِمَانِيُّ، وَقَدْ وُثِّقَ، وَفِيهِ ضَعْفٌ.
سیدنا عبداللہ بن عباس رضی اللہ عنہما بیان کرتے ہیں: نبی اکرم صلی اللہ علیہ وسلم کو جب آپ کی کسی صاحبزادی کے لئے شادی کا پیغام دیا گیا تو آپ پردے کے پاس تشریف لائے، آپ نے ارشاد فرمایا: فلاں شخص نے فلاں خاتون کے لئے شادی کا پیغام دیا ہے، اگر اس صاحبزادی نے پردے کو ہاتھ لگا دیا، تو نبی اکرم صلی اللہ علیہ وسلم نے ان کی شادی نہیں کی، اور اگر انہوں نے پردے کو ہاتھ نہیں لگایا، تو نبی اکرم صلی اللہ علیہ وسلم نے ان کی شادی کروا دی۔
یہ روایت امام طبرانی نے نقل کی ہے، اس کی سند میں ایک راوی یحیی بن عبدالحمید حمانی ہے، جس کی توثیق کی گئی ہے، ویسے اس میں ضعف پایا جاتا ہے۔ [مجمع الزاوئد ومنبع الفوائد/كتاب النكاح/حدیث: 7464]
تخریج الحدیث: «اخرجه الطبراني فى المعجم الكبير (11999)، أخرجه المعجم الكبير للطبراني برقم: 11999»

الحكم على الحديث:
إسنادہ ضعیف
مزید تخریج الحدیث شرح دیکھیں
اظهار التشكيل
حدیث نمبر: 7465
وَعَنْ عُمَرَ أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - كَانَ إِذَا أَرَادَ أَنْ يُزَوِّجَ امْرَأَةً مِنْ نِسَائِهِ يَأْتِيهَا مِنْ وَرَاءِ الْحِجَابِ فَيَقُولُ لَهَا:" يَا بُنَيَّةُ إِنَّ فُلَانًا خَطَبَكِ، فَإِنْ كَرِهْتِيهِ فَقُولِي: لَا، فَإِنَّهُ لَا يَسْتَحِي أَحَدٌ أَنْ يَقُولَ: لَا. وَإِنْ أَحْبَبْتِ، فَإِنَّ سُكُوتَكِ إِقْرَارٌ".
رَوَاهُ الطَّبَرَانِيُّ، وَفِيهِ يَزِيدُ بْنُ عَبْدِ الْمَلِكِ النَّوْفَلِيُّ، وَهُوَ مَتْرُوكٌ، وَقَدْ وَثَّقَهُ ابْنُ مَعِينٍ فِي رِوَايَةٍ.
سیدنا عمر رضی اللہ عنہ بیان کرتے ہیں: نبی اکرم صلی اللہ علیہ وسلم نے جب اپنے خاندان کی خواتین میں سے کسی خاتون کی شادی کروانی ہوتی تو آپ پردے کے پیچھے ان کے پاس تشریف لاتے اور ان سے فرماتے: اے میری بیٹی! فلاں شخص نے تمہیں شادی کا پیغام دیا ہے اگر تمہیں یہ ناپسند ہے، تو تم یہ کہہ دو: جی نہیں! کیونکہ کوئی بھی شخص ”نہ“ کہتے ہوئے نہیں شرماتا، اور اگر یہ تمہیں پسند ہے، تو تمہاری خاموشی اقرار شمار ہو گی۔
یہ روایت امام طبرانی نے نقل کی ہے، اس کی سند میں ایک راوی یزید بن عبدالملک نوفلی ہے اور وہ متروک ہے، اور یحیی بن معین نے ایک روایت کے مطابق اسے ثقہ قرار دیا ہے۔ [مجمع الزاوئد ومنبع الفوائد/كتاب النكاح/حدیث: 7465]
تخریج الحدیث: «اخرجه الطبراني فى المعجم الكبير (88)»

الحكم على الحديث:
ضعیف جداً
مزید تخریج الحدیث شرح دیکھیں
اظهار التشكيل
حدیث نمبر: 7466
وَعَنْ مُعَاوِيَةَ بْنِ حُدَيْجٍ قَالَ: أَرْسَلَنِي مُعَاوِيَةُ بْنُ أَبِي سُفْيَانَ إِلَى الْحَسَنِ بْنِ عَلِيٍّ أَخْطُبُ عَلَى يَزِيدَ بِنْتًا لَهُ أَوْ أُخْتًا لَهُ فَأَتَيْتُهُ فَذَكَرْتُ لَهُ يَزِيدَ فَقَالَ: إِنَّا قَوْمٌ لَا نُزَوِّجُ نِسَاءَنَا حَتَّى نَسْتَأْمِرَهُنَّ. فَأَتَيْتُهَا فَذَكَرْتُ لَهَا يَزِيدَ فَقَالَتْ: وَاللَّهِ لَا يَكُونُ ذَلِكَ حَتَّى يَسِيرَ فِينَا صَاحِبُكَ كَمَا سَارَ فِرْعَوْنُ فِي بَنِي إِسْرَائِيلَ يُذَبِّحُ أَبْنَاءَهُمْ وَيَسْتَحْيِي نِسَاءَهُمْ. فَرَجَعْتُ إِلَى الْحَسَنِ فَقُلْتُ: أَرْسَلْتَنِي إِلَى فِلْقَةٍ مِنَ الْفِلَقِ تُسَمِّي أَمِيرَ الْمُؤْمِنِينَ فِرْعَوْنَ. قَالَ: يَا مُعَاوِيَةُ إِيَّاكَ وَبُغْضَنَا، فَإِنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ:" لَا يُبْغِضُنَا، وَلَا يَحْسُدُنَا أَحَدٌ إِلَّا زِيدَ يَوْمَ الْقِيَامَةِ عَنِ الْحَوْضِ بِسِيَاطٍ مِنْ نَارٍ".
رَوَاهُ الطَّبَرَانِيُّ، وَفِيهِ عَبْدُ اللَّهِ بْنُ عُمَرَ الْوَاقِفِيُّ، وَهُوَ كَذَّابٌ.
معاویہ بن حدیج بیان کرتے ہیں: سیدنا معاویہ رضی اللہ عنہ نے مجھے سیدنا امام حسن بن علی رضی اللہ عنہما کے پاس بھیجا، تاکہ میں ان کی صاحبزادی، یا اُن کی کسی بہن کے لئے یزید کا رشتہ پیش کروں، میں ان کے پاس آیا، میں نے ان کے سامنے یزید کا ذکر کیا تو انہوں نے فرمایا: ہم ایسے لوگ ہیں کہ ہم اپنی خواتین کی شادیاں اُن کی مرضی معلوم کیے بغیر نہیں کرتے ہیں، میں اس خاتون کے پاس آیا اور میں نے اس خاتون کے سامنے یزید کا ذکر کیا، تو اس خاتون نے کہا: اللہ کی قسم! ایسا اس وقت تک نہیں ہو گا، جب تک تمہارے آقا ہمارے درمیان یوں نہیں چلتے، جس طرح فرعون، بنی اسرائیل کے درمیان چلا تھا کہ اس نے ان کے بیٹوں کو ذبح کر دیا تھا اور ان کی عورتوں کو زندہ رکھا تھا، راوی کہتے ہیں: میں واپس سیدنا امام حسن رضی اللہ عنہ کے پاس آیا، اور میں نے کہا: آپ نے مجھے ایک تیز مزاج خاتون کی طرف بھیجا تھا، جس نے امیرالمؤمنین کو ”فرعون“ کا نام دیا ہے، تو سیدنا امام حسن رضی اللہ عنہ نے فرمایا: اے معاویہ! ہمارے ساتھ بغض رکھنے سے بچنا! کیونکہ نبی اکرم صلی اللہ علیہ وسلم نے ارشاد فرمایا ہے: ”ہمارے ساتھ جو بھی شخص بغض رکھے گا، یا جو بھی شخص حسد رکھے گا، قیامت کے دن اُسے آگ کے کوڑوں کے ذریعے حوض سے پرے کیا جائے گا“۔
یہ روایت امام طبرانی نے نقل کی ہے، اس کی سند میں ایک راوی عبداللہ بن عمر واقفی ہے اور وہ کذاب ہے۔ [مجمع الزاوئد ومنبع الفوائد/كتاب النكاح/حدیث: 7466]
تخریج الحدیث: «اخرجه الطبراني فى المعجم الكبير (2726)، أخرجه المعجم الكبير للطبراني برقم: 2726»

الحكم على الحديث:
موضوع
مزید تخریج الحدیث شرح دیکھیں