حضرت قاسم سے روایت ہے کہ حضرت جعفر رضی اللہ عنہ کی اولاد میں سے ایک خاتون کو اس امر کا خطرہ ہوا کہ اس کا سر پرست ایسے شخص سے اس کا نکاح کر دے گا جسے وہ ناپسند کرتی ہے، چنانچہ اس نے انصار کے دو بزرگوں عبدالرحمن بن جاریہ اور مجمع بن جاریہ رضی اللہ عنہما کو پیغام بھیجا۔ انہوں نے تسلی دی کہ ”اس سلسلے میں فکر مند ہونے کی ضرورت نہیں کیونکہ خنساء بنت خدام رضی اللہ عنہا کا نکاح ان کے والد نے ان کی ناپسندیدگی کے باوجود کر دیا تھا تو نبی صلی اللہ علیہ وسلم نے اس نکاح کو مسترد کر دیا تھا۔“ سفیان نے کہا: عبدالرحمن کو میں نے یہ کہتے ہوئے سنا، وہ اپنے والد سے بیان کرتے ہیں کہ ”خنساء (کا نکاح اس کے والد نے کر دیا تھا)۔“ [صحيح البخاري/كتاب الحيل/حدیث: 6969]