جناب نافع سے روایت ہے کہ سیدنا ابن عمر رضی اللہ عنہما کو مکہ میں ان کی اہلیہ سیدہ صفیہ رضی اللہ عنہا کی بابت پکارا گیا (یعنی ان کی وفات کی خبر دی گئی) تو آپ نے سفر کیا، حتیٰ کہ سورج غروب ہو گیا اور ستارے نکل آئے اور کہا: ”نبی کریم صلی اللہ علیہ وسلم جب سفر میں جلدی میں ہوتے تو ان دونوں نمازوں (یعنی مغرب اور عشاء) کو جمع کر لیا کرتے تھے،“ چنانچہ آپ چلتے رہے، حتیٰ کہ شفق غائب ہو گئی، تب اترے اور دونوں نمازوں کو جمع کر کے پڑھا۔ [سنن ابي داود/كتاب صلاة السفر/حدیث: 1207]