سیدنا ابن ساعدی رضی اللہ عنہ کہتے ہیں کہ سیدنا عمر رضی اللہ عنہ نے مجھے صدقات کا عامل (تحصیلدار مال) بنایا، جب میں فارغ ہو کر آیا تو آپ نے میرے لیے حق الخدمت ادا کرنے کا حکم دیا۔ میں نے عرض کیا: ”یہ کام میں نے اللہ کی رضا کے لیے کیا ہے“، آپ نے فرمایا: ”جو ملتا ہے لے لو، میں نے بھی رسول اللہ صلی اللہ علیہ وسلم کے دور میں کچھ کام کیا تھا، تو آپ صلی اللہ علیہ وسلم نے مجھے اس کا بدل عنایت فرمایا تھا۔“ [سنن ابي داود/كتاب الخراج والفيء والإمارة /حدیث: 2944]