جناب یزید بن ابی حبیب، مرثد بن عبداللہ سے روایت کرتے ہوئے کہتے ہیں کہ سیدنا ابوایوب رضی اللہ عنہ ہمارے ہاں تشریف لائے۔ وہ سفر جہاد میں تھے اور سیدنا عقبہ بن عامر رضی اللہ عنہ ان دنوں مصر کے حاکم تھے۔ تو (جناب عقبہ نے) نماز مغرب میں کچھ تاخیر کر دی۔ سیدنا ابوایوب رضی اللہ عنہ کھڑے ہوئے اور کہا: ”اے عقبہ! یہ کیا نماز ہے؟“ کہا کہ ”ہم کام میں تھے۔“ کہا: ”کیا آپ نے نہیں سنا رسول اللہ صلی اللہ علیہ وسلم نے فرمایا: ”میری امت اس وقت تک خیر میں رہے گی“ یا فرمایا: ”فطرت پر رہے گی جب تک کہ مغرب کو مؤخر نہ کرے گی کہ ستارے نکل آئیں۔““ [سنن ابي داود/كتاب الصلاة/حدیث: 418]