فوائد ومسائل:
اس حدیث سے اہلِ بدعت نے یہ استدلال کرنے کی کوشش کی ہے کہ رسول اللہ صلی اللہ علیہ وسلم عالم الغیب تھے۔
انکا یہ دعویٰ انکی جہالت کی دلیل ہے۔
علم الغیب سراسر اللہ عزوجل کی خاس صفت ہے۔
رسول اللہ صلی اللہ علیہ وسلم جو کچھ بھی غیب کی خبریں دیتے تھے وہ سب اللہ عزوجل کی طرف سے وحی ہوتا تھا۔
قرآن مجید میں ہے: (وہ غیب کا جاننے والا ہے اور وہ اپنے غیب پر کسی کو مطلع نہیں کرتا سوائے اس پیغمبر کے جسے وہ پسند کر لے۔
۔
۔
(الجن26،27) ملا علی قاری ؒ شرح فقہ اکبر میں لکھتے ہیں انبیاء کرام کچھ غیب نہیں جانتے سوائے اس کے جو اللہ تعالی انہیں خبر دے۔
اور علمائے احناف نے صراحت کی ہے کہ جو شخص نبی صلی اللہ علیہ وسلم کے عالم الغیب ہو نے کا عقیدہ رکھےوہ کافر ہے۔
کیونکہ یہ بات اللہ عزوجل کے فرمان کے خلاف ہے۔
کہہ دیجئے کہ آسمانوں والوں اور زمیں والوں میں سے سوائے اللہ کے کو ئی غیب نہیں جانتا۔
(النمل: 65) اور بعض نے صراحت کی ہے کہ باطل کو جھٹلانا دین کے ضروری امور میں سے ہے۔
چنانچہ علم الغیب صرف اور صرف اللہ عزوجل کے لیئے خاص ہے اور بہت سی نصوص اس حقیقت کو واضح کرتی ہیں مثلاََ اور اللہ ہی کے پاس تمام مخفی اشیاء کے خزانے، ان کو کو ئی نہیں جانتا سوائے اللہ کے، اور وہی جانتا ہے جو کچھ خشکی میں ہے اور دریاؤں میں ہے۔
۔
۔
۔
۔
۔
(الأنعام 59)۔
بلا شبہ اللہ ہی کے پاس ہے قیامت کا علم وہی بارش برساتا ہے اور ماں کے پیٹ میں جو ہے اسے جانتا ہے کو ئی نہیں جانتا کہ کل کیا کچھ کرے گا نہ کسی جان کو یہ معلوم ہے کہ کس زمین میں مرے گا بلا شبہ اللہ ہی کامل علم اور صحیح خبروں والا ہے۔
(لقمان 34)۔
الغرض اللہ کے سوا کسی اور کے لیئے جائز نہیں کسی طرح جائز نہیں کہ اسے علمِغیب سے موصوف مانا جائے۔
اور یہی وجہ ہے جب نبی صلی اللہ علیہ وسلم کے سامنے وہ ابیات پڑھے گئے جن میں یہ مضمون تھا کہ ہم میں وہ نبی ہے جو کل کی بات جانتا ہے۔
۔
۔
۔
۔
تو آپؐ نے فورََا اُن کو روک دیا اور فرمایا کہ اسے چھوڑ دو اور پہلے والی بات کہو۔
المختصر کسی صورت جائز نہیں کہ اللہ تعالی کے سوا کسی اور کو عالم الغیب کہا جائے۔
غیب کی جتنی بھی خبریں آپ ؐ نے دیں ہیں وہ سب اللہ تعالی کے اطلاع کرنے سے دی ہیں۔
غیب پر مطلع ہونےہونے کا وحی اور الہام کے علاوہ اور کوئی ذریعہ نہیں۔
علاوہ ازیں بحر الرائق میں ہے کہ اگر کو ئی عقد نکاح میں یوں کہےکہ اللہ اور اس کے رسول صلی اللہ علیہ وسلم کی گواہی سے یہ نکاح ہوا، تو نکاح نہیں ہو گا۔
بلکہ ایسا آدمی کافر ہو گا کیونکہ اس نے نبی صلی اللہ علیہ وسلم کے عالم الغیب ہونے کا عقیدہ رکھا۔