سیدنا نافع بن عبدالحارث رضی اللہ عنہ کہتے ہیں کہ میں رسول اللہ صلی اللہ علیہ وسلم کے ساتھ نکلا حتیٰ کہ ایک باغ میں داخل ہوا۔ تو آپ صلی اللہ علیہ وسلم نے مجھ سے فرمایا: ”دروازے کو (اندر سے) روکے رکھو (اسے کھولنا نہیں)۔“ پھر دروازہ کھٹکھٹایا گیا۔ (باہر سے کسی نے دستک دی) تو میں نے پوچھا: ”کون ہے؟“ اور حدیث بیان کی۔ امام ابوداؤد رحمہ اللہ کہتے ہیں کہ ”اس سے مراد سیدنا ابوموسیٰ اشعری رضی اللہ عنہ والی حدیث ہے۔“ راوی نے اس میں کہا: ”تو انہوں نے دروازہ کھٹکھٹایا۔“ [سنن ابي داود/أبواب النوم /حدیث: 5188]