جناب عفیف بن عمرو بن مسیب کہتے ہیں کہ مجھے بنی اسد بن خزیمہ کے ایک شخص نے بتایا کہ اس نے سیدنا ابوایوب انصاری رضی اللہ عنہ سے سوال کیا تھا کہ ہم میں سے ایک اپنے گھر میں نماز پڑھ لیتا ہے اور پھر مسجد میں آتا ہے اور نماز کی اقامت ہو جاتی ہے تو میں ان کے ساتھ مل کر نماز پڑھ لیتا ہوں مگر اس سے میرے دل میں کچھ کھٹک سی ہے۔ سیدنا ابوایوب رضی اللہ عنہ نے کہا: ”ہم نے اس بارے میں نبی کریم صلی اللہ علیہ وسلم سے دریافت کیا تھا تو آپ صلی اللہ علیہ وسلم نے فرمایا: ”یہ اس کے لیے جماعت کا ایک حصہ ہے۔““ (یعنی اس میں کوئی حرج نہیں بلکہ باعث ثواب ہے)۔ [سنن ابي داود/كتاب الصلاة/حدیث: 578]