فوائد:
➊ مساجد کو پاک صاف رکھنے اور خوشبو وغیرہ سے معطر رکھنے کا حکم ہے۔
اس سے نمازی حضرات شاداں و فرحاں رہتے اور طبیعتوں میں انبساط پیدا ہوتا ہے اور لوگ یکسوئی سے عبادت بجا لاتے ہیں۔
➋ مساجد میں تھوکنا، رینٹ پھینکنا اور گندگی بکھیرنا گناہ ہے اور جہاں رینٹ یا آلائش لگی ہو، اس حصہ کو صاف کر کے وہاں خوشبو لگانا مستحب فعل ہے۔
گزشتہ حدیث میں ہے کہ گندگی کو نبی کریم صلی اللہ علیہ وسلم نے اپنے ہاتھ سے صاف کیا، جبکہ اس حدیث میں ہے کہ انصاری عورت نے اس گندگی کو صاف کیا۔
اس سے معلوم ہوا کہ یہ دو مختلف واقعات ہیں۔
لہذا یہ دونوں احادیث ایک دوسری کی مخالف نہیں ہیں۔