فوائد:
➊ یہ احادیث اس بات کی دلیل ہیں کہ صلاۃِ وسطیٰ (درمیانی نماز) نمازِ عصر ہے اور اس کے اہتمام کی قرآن میں خاص تاکید وارد ہوئی ہے۔
لہٰذا صلاۃِ وسطیٰ کی تعیین میں دیگر مختلف اقوال درست نہیں ہیں اور صلاۃِ وسطیٰ نمازِ عصر ہے، یہی قول راجح ہے۔
➋ نمازِ عصر میں بلا عذر تاخیر اور ضیاع باعثِ گناہ ہے اور اس بارے میں سخت وعید ہے، لیکن کسی واقعی عذر کی وجہ سے نمازِ عصر رہ جائے تو گناہ نہیں ہے۔
➌ جن کفار و مشرکین کی وجہ سے نمازِ عصر چھوٹ جائے ان پر لعنت کرنا اور ان کی ہلاکت کی دعا کرنا جائز ہے۔