فوائد:
یہ احادیث دلیل ہیں کہ گھر کے نگران کے لیے جائز نہیں کہ عورتوں کو مساجد میں جانے اور مساجد میں جا کر نماز پڑھنے سے روکے۔ البتہ مساجد میں داخل ہونے کے لیے عورتوں پر کچھ حقوق لازم ہیں، جن کی پابندی کرنا ضروری ہے، بصورت دیگر عورتوں کو مساجد سے روکا جا سکتا ہے۔ مستورات مساجد میں حاضری کے وقت درج ذیل امور کا لحاظ رکھیں:
➊ خوشبو اور عطریات کا استعمال نہ کریں۔
➋ باپردہ ہو کر نکلیں۔
➌ شوخ بھڑکیلا لباس نہ پہنیں، جو فتنہ کا سبب ہو۔
➍ پازیبوں کی جھنکار ظاہر نہ کریں اور بناؤ سنگھار کا اہتمام نہ کریں۔