فوائد:
➊ (ان احادیث میں) سحری کی ترغیب کا بیان ہے اور علماء کا سحری کے استحباب پر اجماع ہے۔ یہ واجب نہیں ہے۔ سحری میں برکت سے واضح ہے کہ اس سے انسان روزہ کے لیے قوت حاصل کرتا ہے۔ اس سے جسم میں نشاط پیدا ہوتا ہے۔ اور سحری کے سبب مزید روزوں میں رغبت پیدا ہوتی ہے۔ کیونکہ اس سے روزہ کی مشقت کم ہو جاتی ہے۔ [شرح النووي: 4/72]
➋ یہاں حکم وجوب کے لیے نہیں بلکہ استحباب کے لیے ہے کہ روزہ دار سحری کے وقت کچھ نہ کچھ ضرور تناول کریں۔ ◈ اور حافظ ابن حجر رحمہ اللہ کہتے ہیں کھانے اور پینے کی کم از کم مقدار سے سحری کا مقصود حاصل ہو جاتا ہے۔ [تحفة الأحوذي: 2/245]