فوائد:
➊ ◈ ابن بطال رحمہ اللہ فرماتے ہیں: اس حدیث کا یہ مفہوم نہیں کہ جو شخص جھوٹی بات اور جہالت کا مرتکب ہو، وہ روزہ ترک کر دے، بلکہ مقصود یہ ہے کہ روزہ دار ان قبیح افعال سے اجتناب برتے۔ [فتح الباري: 142/6]
➋ ◈ مہلب رحمہ اللہ فرماتے ہیں: یہ حدیث دلیل ہے کہ حالت روزہ میں جیسے طعام و شراب ترک کیا جاتا ہے، اسی طرح روزہ میں فحش گوئی اور جھوٹ کو ترک کرنا بھی لازم ہے۔ اور روزہ دار اگر ان افعال بد سے باز نہ آئے تو اس کا روزہ ناقص ہوگا۔ یہ افعال رب کی ناراضی کا باعث ہوں گے اور اس کا روزہ قبول نہیں ہوگا۔ [شرح ابن بطال: 73/2]