فوائد:
➊ زکاۃ مال کا وہ حصہ ہے جسے مال دار (صاحب نصاب) شریعت کے حکم کے مطابق اللہ کی راہ میں نکالتا ہے۔ اسے زکاۃ اس لیے کہتے ہیں کہ یہ مال دار کے مال میں زیادتی، خیر و برکت اور پاکیزگی پیدا کرتا ہے۔
➋ زکاۃ ارکان اسلام میں سے بنیادی رکن اور اہم فرض ہے۔ جس کے بغیر ایمان مکمل نہیں ہوتا، لہٰذا ہر ذی شعور اور صاحب مال مسلمان کو اس فریضہ کی ادائیگی میں کوتاہی نہیں برتنی چاہیے کیونکہ اس کی عدم ادائیگی سے ایمان میں نقص واقع ہوتا ہے اور دخول جنت کے لیے ارکان اسلام کا اقرار اور ان پر عمل کرنا لازم ہے۔