فوائد:
➊ یہ حدیث دلیل ہے کہ طواف کے لیے وضو کرنا ثابت ہے کیونکہ نبی صلی اللہ علیہ وسلم نے یہ عمل کیا ہے اور اس کے بعد فرمایا: ”مجھ سے حج کا طریقہ سیکھ لو۔“
➋ پھر امت کا اجماع ہے کہ طواف کے لیے وضو کرنا مشروع ہے، لیکن علماء کا اختلاف ہے کہ یہ وضو واجب، صحتِ طواف کی شرط ہے یا نہیں؟
◈ امام مالک، امام شافعی، امام احمد اور جمہور علماء کا مذہب ہے کہ وضو صحتِ طواف کے لیے شرط ہے اور امام ابو حنیفہ رحمہ اللہ کہتے ہیں کہ یہ وضو مستحب ہے، شرط نہیں۔
➌ نیز جمہور نے حدیث الباب سے دلیل لی ہے۔ [شرح النووي: 220/8]