فوائد:
ان احادیث میں سورہ فاتحہ کی فضیلت کا بیان ہے کہ اتنی عظیم سورت قرآن حکیم سے قبل کسی آسمانی کتاب یا صحیفے میں نازل نہیں ہوئی اور یہ قرآن حکیم کا اعزاز ہے کہ اس میں اتنی عظیم و مبارک سورت کا نزول ہوا۔
نیز السبع المثانی (سات بار بار پڑھی جانے والی آیات) سے مراد بھی سورہ فاتحہ ہے کیونکہ نماز کی ہر رکعت میں اس سورت کی تلاوت کی جاتی ہے، نیز نماز کی ہر رکعت میں سورہ فاتحہ کی تلاوت فرض ہے۔
جیسا کہ حدیث 288 میں اس کی وضاحت بیان ہوئی ہے۔