فوائد:
➊ سوئے ہوئے اور باتیں کرنے والے شخص کی طرف منہ کر کے نماز پڑھنا جائز ہے۔
اس سے نماز میں کمی واقع نہیں ہوتی۔
❀ نیز جس روایت میں مذکور ہے:
«لَا تُصَلُّوا خَلْفَ النَّائِمِ وَالْمُتَحَدِّثِ»
”سوئے ہوئے اور باتیں کرنے والے شخص کے پیچھے نماز نہ پڑھو۔“
وہ ضعیف ہے۔ [سنن أبي داود: 694، إرواء الغليل: 94/2، إسناده ضعيف]
➋ اس حدیث سے یہ استدلال کرنا کہ عورت کے نمازی کے سامنے سے گزرنے سے نماز باطل نہیں ہوتی، درست نہیں، کیونکہ اس میں سیدہ عائشہ رضی اللہ عنہا کے سامنے لیٹنے کا بیان ہے، نہ کہ سامنے سے گزرنے کا۔
➌ نمازی کے سامنے عورت لیٹی ہو تو اس کا سامنے سے ہٹنا جائز ہے۔
یہ نمازی کے آگے سے گزرنا نہیں کہلاتا کہ جس سے نماز ٹوٹ جاتی ہے۔
➍ عورت کو مطلق چھونا ناقضِ وضو نہیں، بلکہ ملامست سے مراد جماع ہے۔
➎ جو شخص رات کے آخری حصے میں بیدار ہونے پر قادر ہو یا کوئی شخص پچھلے پہر کسی کو یقینی طور پر بیدار کر سکے، تو پچھلے پہر وتر پڑھنا افضل ہے۔