فوائد:
➊ ❀ «مَنْ نَسِيَ صَلَاةً فَلْيُصَلِّهَا إِذَا ذَكَرَهَا.»
یہ حدیث دلیل ہے کہ فوت شدہ فرض نماز کی قضا واجب ہے، خواہ وہ کسی عذر یعنی نیند یا بھول چوک کی وجہ سے چھوٹی ہو یا بلا عذر فوت ہوئی ہے۔
حدیث میں نسیان کی قید اس کے چھوٹنے کا سبب بیان کرنے کے لیے لگائی ہے۔
کیونکہ جب معذور شخص کا نماز کی قضا دینا واجب ہے تو غیر معذور شخص کا نماز کی قضا دینا بالاولیٰ واجب ہو گا۔
«فَلْيُصَلِّهَا إِذَا ذَكَرَهَا» یہ حکم استحباب پر محمول ہے اور فوت شدہ نماز کی قضا میں تاخیر بھی جائز ہے۔
اس کی وضاحت پچھلی احادیث 786، 798 میں بیان ہوئی ہے۔ [شرح النووي: 181/5]
➋ فوت شدہ نمازوں کو نماز کے ممنوعہ اوقات میں پڑھنا جائز ہے۔