سیدنا عبداللہ بن عمرو بن العاص رضی اللہ عنہما بیان کرتے ہیں کہ بنی سبابہ، جو قبیلہ فہم کا حصہ تھے، رسول اللہ صلی اللہ علیہ وسلم کو شہد میں سے عشر (دسواں حصہ) یعنی دس مشکیزوں میں سے ایک مشکیزہ ادا کرتے تھے، جو ان پر واجب تھا۔ آپ صلی اللہ علیہ وسلم نے ان کے لیے دو وادیوں کا تحفظ فراہم کیا تھا۔ پھر انہوں نے وہی عشر جو رسول اللہ صلی اللہ علیہ وسلم کو ادا کرتے تھے، سیدنا عمر رضی اللہ عنہ کو بھی ادا کیا اور انہوں نے بھی ان کے لیے ان دو وادیوں کا تحفظ جاری رکھا۔ [المنتقى ابن الجارود/كتاب الزكاة/حدیث: 350]