سیدنا جابر بن عبداللہ رضی اللہ عنہما بیان کرتے ہیں کہ رسول اللہ صلی اللہ علیہ وسلم نے فرمایا: ”اللہ تعالیٰ نے شراب، بت، مردار، اور خنزیر کی خرید و فروخت کو حرام قرار دیا ہے۔“ مسلمانوں میں سے کسی نے پوچھا: ”مردار کی چربی کے متعلق آپ کا کیا خیال ہے؟ اس سے چمڑے اور کشتیوں کو رنگا جاتا ہے، نیز لوگ اس سے چراغ بھی جلاتے ہیں۔“ آپ صلی اللہ علیہ وسلم نے فرمایا: ”حرام ہے، اللہ تعالیٰ یہودیوں کو تباہ کرے، جب ان پر چربی حرام ہوئی، تو انہوں نے اسے پگھلا کر بیچ دیا اور اس کی قیمت کھائی۔“ [المنتقى ابن الجارود/كتاب البيوع والتجارات/حدیث: 578]